សេដ្ឋកិច្ច

ការនាំចេញសម្លៀកបំពាក់ និងវាយនភណ្ឌ វៀតណាម ទំនងជាធ្លាក់ចុះពី ៥ ទៅ ៦.៣ ភាគរយ

បានផុស

២ years មុន

នៅ

ថ្ងៃចន្ទ ៣០ តុលា ២០២៣

ដោយ

ការនាំចេញវាយនភណ្ឌ និងកាត់ដេររបស់វៀតណាម ត្រូវបានគេរំពឹងថា នឹងធ្លាក់ចុះពី ៥ ភាគរយទៅ ៦.៣ ភាគរយ មកនៅចន្លោះពី ៤០.៥ ពាន់លានដុល្លារទៅ ៤១ ពាន់លានដុល្លារនៅឆ្នាំនេះ ដោយសារតម្រូវការសកលនៅតែបន្តធ្លាក់ចុះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vu Duc Giang ប្រធានសមាគមវាយនភណ្ឌ និងសម្លៀកបំពាក់វៀតណាមបានប្រាប់រ៉យទ័រថា សេដ្ឋកិច្ចពិភពលោកមិនទាន់ងើបឡើងវិញនៅឡើយទេ ដោយធ្វើឲ្យអ្នកប្រើប្រាស់មិនចំណាយលើទំនិញរួមទាំងសម្លៀកបំពាក់ផងដែរ ។

រហូតមកដល់ពេលនេះ ក្រុមហ៊ុនកាត់ដេរ និងវាយនភណ្ឌជាច្រើនបានបង្ខំចិត្តកាត់បន្ថយផលិតកម្ម និងកាត់បន្ថយការងាររាប់ពាន់នាក់ ចំពេលមិនមានការបញ្ជាទិញផង ជាពិសេសនៅត្រីមាសទី ៣ ។

ប្រធានសមាគមរូបនេះបន្ថែមថា ការនាំចេញដែលទាក់ទងនឹងវាយនភ័ណ្ឌរបស់វៀតណាម បានធ្លាក់ចុះ ១៣.៥ ភាគរយ សម្រាប់រយៈពេល ៩ ខែដំបូងនៃឆ្នាំនេះ ប៉ុន្តែជាការប្រសើរឡើងបន្តិចពីការធ្លាក់ចុះ ១៧ ភាគរយពីឆមាសទី ១ ។

គួរបញ្ជាក់ថា វាយនភណ្ឌ និងសម្លៀកបំពាក់ គឺជាវិស័យរកចំណូលបានច្រើនជាងគេលំដាប់ទី ៣ ពីការនាំចេញរបស់វៀតណាម បន្ទាប់ពីទូរសព្ទ និងគ្រឿងអេឡិចត្រូនិក ក៏ដូចជាផលិតផលសម្រាប់ម៉ាកយីហោល្បីៗដែលរួមមាន Nike, Calvin Klein, Zara, Adidas និង Ralph Lauren ជាដើម ៕

ប្រែសម្រួល៖ នាង រតនៈ

ប្រភព៖ CNA

ចុចអាន៖ ឡាវ កំពុងពិចារណាដំឡើងអាករលើតម្លៃបន្ថែម