ព័ត៌មានអន្ដរជាតិ

ម៉ាឡេស៊ី និងសិង្ហបុរី ពង្រឹកទំនាក់ទំនង ដោយតភ្ជាប់ផ្លូវដែក និងបង្កើតតំបន់សេដ្ឋកិច្ចពិសេស

បានផុស

២ years មុន

នៅ

ថ្ងៃចន្ទ ២២ កក្កដា ២០២៤

ដោយ

ប្រទេសសិង្ហបុរី និងម៉ាឡេស៊ី កំពុងពង្រឹងកិច្ចសហប្រតិបត្តិការសេដ្ឋកិច្ចឆ្លងព្រំដែន ដោយការតភ្ជាប់ខ្សែរថភ្លើងសម្រាប់ធ្វើដំណើររវាងរដ្ឋទាំង២ ក្នុងគោលបំណងជំរុញលំហូរនៃមនុស្ស និងទំនិញ ក៏ដូចជាផែនការបង្កើតតំបន់សេដ្ឋកិច្ចពិសេសដ៏ធំ។ នេះបើតាមការចុះផ្សាយរបស់កាសែត Nikkei Asia កាលពីថ្ងៃអាទិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែរថភ្លើងបណ្តាញដឹកជញ្ជូនរហ័ស (RTS) បានសាងសង់រួចរាល់ប្រមាណ ៨០ ភាគរយ ហើយគ្រោងនឹងចាប់ផ្តើមដំណើរការនៅចុងឆ្នាំ ២០២៦ ខាងមុខ ដោយវានឹងជួយសម្រួលដល់ការកកស្ទះនៅច្រកព្រំដែន។ នីតិវិធីអន្តោប្រវេសន៍ទាំងមូល រួមទាំងដំណើរការនៃការចាកចេញ និងចូលប្រទេសទាំង២ អាចធ្វើឡើងនៅស្ថានីយ៍ចេញដំណើរទាំងសង ខាង។

បើតាម Nikkei Asia ខ្សែរថភ្លើងនឹងមានសមត្ថភាពដឹកអ្នកដំណើរ ១០ ០០០ នាក់/ម៉ោងក្នុងទិសដៅនីមួយៗ។ នៅខាងសិង្ហបុរី អ្នកដំណើរអាចផ្ទេរទៅកាន់បណ្តាញរថភ្លើងក្រោមដីនៅកន្លែងចុះ។

បច្ចុប្បន្ន មធ្យោបាយសំខាន់ៗក្នុងការឆ្លងព្រំដែនរវាងម៉ាឡេស៊ី និងសិង្ហបុរី គឺដោយរថយន្តឆ្លងកាត់ស្ពាន ឬផ្លូវ។ ពេលដែលមនុស្សកាន់តែច្រើនធ្វើដំណើរពីម៉ាឡេស៊ីទៅសិង្ហបុរី ការកកស្ទះចរាចរណ៍ក៏កាន់តែអាក្រក់ទៅៗ។ តាមពិតទៅ អ្នកដំណើរអាចធ្វើដំណើរតាមផ្លូវរថភ្លើងចាស់ ប៉ុន្តែសមត្ថភាពដឹកជញ្ជូនមិនបានច្រើននោះទេ។ ខ្សែរថភ្លើង RTS រំពឹងថានឹងបន្ធូរបន្ថយការកកស្ទះ។

ទន្ទឹមនឹងគម្រោងបើកបណ្ដាញផ្លូវរថភ្លើងថ្មីនេះ សិង្ហបុរី និងម៉ាឡេស៊ី ក៏បានព្រមព្រៀងគ្នាកាលពីខែមករា ក្នុងការអភិវឌ្ឍន៍តំបន់សេដ្ឋកិច្ចពិសេស Johor-Singapore ក្រោមអនុស្សរណៈនៃការយោគយល់គ្នាមួយផងដែរ។ ទោះបីជាព័ត៌មានលម្អិតកំពុងដំណើរការនៅឡើយ ប៉ុន្តែតំបន់ដែលត្រូវបង្កើតនៅរដ្ឋ Johor កំណត់គ្របដណ្តប់លើផ្ទៃដីប្រមាណ ៣ ៥០០ គីឡូម៉ែត្រការ៉េ ដែលច្រើនជាងទំហំប្រទេសសិង្ហបុរីរហូតដល់ ៤ ដង។

Nikkei Asia ផ្សាយថា តំបន់សេដ្ឋកិច្ចពិសេសនេះ នឹងលើកកម្ពស់លើវិស័យមួយចំនួនដូចជាភស្តុភារ ការថែទាំ វេជ្ជសាស្ត្រ និងសេវាកម្មហិរញ្ញវត្ថុ។ រដ្ឋាភិបាលទាំង២ ក៏កំពុងសម្លឹងមើលការសម្រួលដល់នីតិវិធីនៃការដឹកទំនិញ ការលើកលែងតម្រូវការលិខិតឆ្លងដែន និងការអនុវត្តការលើកទឹកចិត្តពន្ធផងដែរ។

គេមើលឃើញថា តំបន់ដ៏ធំក្នុងរដ្ឋ Johor និងកម្លាំងពលកម្មតម្លៃទាបនៅម៉ាឡេស៊ី គឺជាភាពដ៏ទាកទាញមួយ សម្រាប់បណ្ដុំក្រុមហ៊ុនសិង្ហបុរីដែលមានការចំណាយខ្ពស់។ គេសង្ឃឹមថា បើប្រទេសទាំង២សហការគ្នា នោះនឹងធ្វើឱ្យមានភាពងាយស្រួលក្នុងការទាក់ទាញក្រុមហ៊ុនបរទេស។ ជាមួយគ្នានេះ ក្រុមហ៊ុនជាច្រើនកំពុងងាកចេញពីចិន ដោយសារតែភាពតានតឹងរវាងចិន និងសហរដ្ឋអាមេរិក ខណៈបច្ចុប្បន្ន ម៉ាឡេស៊ីកំពុងមើលឃើញពីកំណើននៃការវិនិយោគដោយផ្ទាល់លើវិស័យបន្ទះឈីប គ្រឿងបន្លាស់អេឡិចត្រូនិក មជ្ឈមណ្ឌលទិន្នន័យ ក្នុងចំណោមវិស័យផ្សេងៗទៀត៕

Related Topics:សិង្ហបុរី ម៉ាឡេស៊ី

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា