ព័ត៌មានអន្ដរជាតិ
ហេតុអ្វីបានជាឡាវបន្តប្រឈមមុខនឹងឱនភាពពាណិជ្ជកម្ម?
ទិន្នន័យចុងក្រោយរបស់គេហទំព័រពាណិជ្ជកម្មឡាវ (LTP) បានបង្ហាញថា ប្រទេសឡាវបានបន្តប្រឈមមុខនឹងឱនភាពពាណិជ្ជកម្ម ៨ ខែៗជាប់គ្នានៅឆ្នាំ ២០២៤ ដោយបានកត់ត្រាឱនភាពប្រមាណ ១២៩ លានដុល្លារ ក្នុងខែសីហា។ នេះបើតាមការចុះផ្សាយរបស់កាសែត Laotian Times កាលពីថ្ងៃព្រហស្បតិ៍។
ទំហំពាណិជ្ជកម្មឡាវ មានទំហំសរុបប្រមាណជាង ១,២ ប៊ីលានដុល្លារ ដោយការនាំចេញមានប្រមាណ ៥៤១ លានដុល្លារ ខណៈការនាំចូលសរុប មានចំនួន ៦៧០ លានដុល្លារ ។ តួលេខទាំងនេះ មិនរាប់បញ្ចូលតម្លៃនៃការនាំចូល និងនាំចេញអគ្គិសនីនោះទេ។
កាលពីខែកក្កដា ឡាវកត់ត្រាឱនភាពពាណិជ្ជកម្មប្រមាណ ១៥៤ លានដុល្លារ។ ទោះបីជាចំនួននេះ មានការថយចុះក៏ដោយ ក៏ប៉ុន្តែវានៅតែជាក្ដីបារម្ភសម្រាប់ឡាវអំពីអតុល្យភាពនៃជញ្ជីងពាណិជ្ជកម្មពេញមួយឆ្នាំ ២០២៤។
អ្នកជំនាញសេដ្ឋកិច្ចបានលើកឡើងថា មានកត្តាច្រើនយ៉ាង ដែលធ្វើឱ្យឡាវបានបន្តប្រឈមមុខនឹងឱនភាពពាណិជ្ជកម្ម។ មូលដ្ឋាននៃការនាំចេញរបស់ប្រទេសនេះនៅតែមានដែនកំណត់ ដោយបន្តពឹងផ្អែកខ្លាំងលើធម្មជាតិ ដូចជាធនធានរ៉ែ និងផលិតផលកសិកម្ម ចំពេលដែលវិស័យផលិតកម្មរបស់ប្រទេសនេះស្ថិតនៅក្នុងភាពទន់ខ្សោយខ្លាំង។
បើតាម LTP ទំនិញនាំចេញសំខាន់ៗរួមមាន គ្រឿងអគ្គិសនី មាស កៅស៊ូ ក្រដាស រ៉ែមាសមិនទាន់កែច្នៃ ស្ករស អំបិលប៉ូតាស្យូម ម្សៅដំឡូងមី និងដំឡូងមីជាដើម។ ផ្ទុយទៅវិញ ឡាវនាំចូលទំនិញសំខាន់ៗដែលរួមមាន ប្រេងម៉ាស៊ូត គ្រឿងចក្រ យានជំនិះ ទំនិញគីមី គ្រឿងអគ្គិសនី ដែក ទំនិញប្លាស្ទិក គ្រឿងបន្លាស់រថយន្ត ប្រេងសាំង និងភេសជ្ជៈ។
អ្នកជំនាញមើលឃើញថា ឡាវនៅតែពឹងផ្អែកខ្លាំងលើទំនិញនាំចូល សម្រាប់ទំនិញប្រើប្រាស់ជាច្រើនមុខពីបរទេស ខណៈបញ្ហាហេដ្ឋារចនាសម្ព័ន្ធរបស់ឡាវ បានរារាំងប្រទេសដែលគ្មានដែនសមុទ្រមួយនេះ ឱ្យពិបាកក្នុងការដឹកជញ្ជូនទំនិញនាំចេញ។ ក្រៅពីនេះ ឡាវក៏ប្រឈមមុខនឹងការប្រកួតប្រជែងពីប្រទេសផ្សេងៗទៀតក្នុងតំបន់តាមរយៈកិច្ចព្រមព្រៀងពាណិជ្ជកម្មសេរីជាដើម៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ