រដ្ឋមន្ត្រីកសិកម្មដឹកនាំប្រជុំសេចក្តីព្រាងកិច្ចសន្យាសម្បទានដីសេដ្ឋកិច្ចស្តីពីគម្រោងវិនិយោគអភិវឌ្ឍវិស័យកសិ-ឧស្សាហកម្មចម្រុះ

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទនៅព្រឹកថ្ងៃទី ០៥ ខែធ្នូ ឆ្នាំ ២០២៤ បានដឹកនាំកិច្ចប្រជុំពិនិត្យ និងផ្តល់យោបល់លេីសេចក្តីព្រាងកិច្ចសន្យាសម្បទានដីសេដ្ឋកិច្ចស្តីពីគម្រោងវិនិយោគអភិវឌ្ឍវិស័យកសិ-ឧស្សាហកម្មចម្រុះ​ រវាងក្រសួងកសិកម្ម​ រុក្ខាប្រមាញ់​ និងនេសាទ​ និងក្រុមហ៊ុន​ ធី.អេស.អិម.ដាប់ប៊ែលយូ​ ឯ.ក​ និងបញ្ហាផ្សេងៗពាក់ព័ន្ធការងារគ្រប់គ្រងសម្បទានដីសេដ្ឋកិច្ច ​នៅទីស្តីការក្រសួងកសិកម្ម​ រុក្ខាប្រមាញ់​ និងនេសាទ។

ក្នុងកិច្ចប្រជុំនេះ​ លោករដ្ឋមន្ដ្រី បានណែនាំដល់អង្គប្រជុំផ្តោតទៅលេីការពង្រឹងច្បាប់ឱ្យមានភាពតឹងរឹង​ និងត្រួតពិនិត្យទៅលេីកិច្ចសន្យាឱ្យមានភាពច្បាស់លាស់​ និងសុីជម្រៅ។

លោករដ្ឋមន្ត្រីបានបញ្ជាក់បន្ថែមថា ​ក្រសួងកសិកម្ម​គឺជាអាណាព្យាបាល​ ដែលត្រូវគ្រប់គ្រងឱ្យបានរឹងមាំ​ ម៉ត់ចត់​ ដឹងអំពីតួនាទីភារកិច្ច​ ជាពិសេសគម្រោងវិនិយោគត្រូវមានផែនការមេ​ និងត្រូវអនុវត្តតាមផែនការមេដែលបានកំនត់​ឱ្យមានប្រសិទ្ធ​ភាព ព្រមទាំងស្របតាមគោលនយោបាយរបស់រាជរដ្ឋាភិបាល៕