ព័ត៌មានអន្ដរជាតិ

វៀតណាម៖ ក្រុងហូជីមិញ គ្រោងដាក់ដំណើរការបណ្ដាញរថយន្តក្រុងអគ្គិសនីសុទ្ធ នៅឆ្នាំ ២០៣០

បានផុស

៣ ខែ មុន

នៅ

ថ្ងៃសុក្រ ២០ ធ្នូ ២០២៤

ដោយ

ទីក្រុងហូជីមិញនៃប្រទេសវៀតណាម គ្រោងនឹងផ្លាស់ប្តូរបណ្តាញរថយន្តក្រុងសាធារណៈទាំងអស់របស់ខ្លួន ទៅប្រើរថយន្តក្រុងប្រើថាមពលអគ្គិសនី និងបៃតង នៅត្រឹមឆ្នាំ ២០៣០។ នេះបើតាមការចុះផ្សាយរបស់កាសែត VnExpress កាលពីថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គំនិតផ្តួចផ្តើមនេះ ស្នើឡើងដោយគណៈកម្មាធិការប្រជាជនក្រុងហូជីមិញ ស្របតាមការផ្លាស់ប្តូរថាមពលបៃតងជាតិ និងគោលដៅកាត់បន្ថយការបំភាយឧស្ម័នរបស់វៀតណាម។

បច្ចុប្បន្ន ក្រុងហូជីមិញមានរថយន្តក្រុងសាធារណៈប្រមាណ ២ ២០០ គ្រឿង រួមទាំងជិត ៥៥០ គ្រឿង ដែលដំណើរការដោយអគ្គិសនី ឬឧស្ម័នធម្មជាតិ CNG។ រថយន្តក្រុងម៉ាស៊ូតដែលដំណើរការលើសពី ១៥ ឆ្នាំ នឹងត្រូវជំនួសដោយរថយន្តក្រុងប្រើថាមពលអគ្គិសនី ឬបៃតង នៅចន្លោះឆ្នាំ ២០២៥ និង ២០២៩។ ធ្វើដូច្នេះ នៅឆ្នាំ ២០៣០ គ្រប់ផ្លូវទាំងអស់នឹងប្រើប្រាស់រថយន្តរថយន្តក្រុងអគ្គិសនី។

ដើម្បីគាំទ្រដល់ការផ្លាស់ប្តូរនេះ ទីក្រុងហូជីមិញនឹងសាងសង់ស្ថានីយសាកថ្មនៅតាមដេប៉ូ និងកន្លែងចតរថយន្ត ផ្តល់ប្រាក់កម្ចីការប្រាក់ទាបសម្រាប់ការទិញរថយន្តក្រុងអគ្គិសនី និងផ្តល់ការឧបត្ថម្ភធនសម្រាប់ស្ថានីយសាកថ្ម និងការវិនិយោគហេដ្ឋារចនាសម្ព័ន្ធ CNG ៕