ព័ត៌មានអន្ដរជាតិ
ថៃសម្រេចគោលដៅ ដោយបានទទួលភ្ញៀវទេសចរអន្តរជាតិ ៣៥ លាននាក់ ឆ្នាំមុន
ក្រសួងទេសចរណ៍ និងកីឡាថៃ បានឱ្យដឹងកាលពីថ្ងៃពុធថា ថៃបានទទួលស្វាគមន៍ភ្ញៀវទេសចរអន្តរជាតិប្រមាណ ៣៥ លាននាក់ ក្នុងឆ្នាំ ២០២៤ ដោយសម្រេចបានទៅតាមគោលដៅរបស់ប្រទេស ដែលពឹងផ្អែកខ្លាំងលើវិស័យទេសចរណ៍ដើម្បីជំរុញកំណើនសេដ្ឋកិច្ច។ នេះបើតាមការចុះផ្សាយរបស់កាសែតបាងកកប៉ុស្តិ៍។
រដ្ឋមន្ត្រីក្រសួងទេសចរណ៍ និងកីឡា លោក Sorawong Thienthong បានគូសបញ្ជាក់ជាលម្អិតថា ភ្ញៀវអន្តរជាតិ ៣៥,៣២ លាន នាក់ បានចូលមកលេងនៅប្រទេសថៃ ហើយបានចំណាយប្រាក់ប្រមាណ ១,៦៦ ទ្រីលានបាត ចន្លោះពីថ្ងៃទី ១ មករា ដល់ថ្ងៃទី ២៩ ធ្នូ ២០២៤។
ភ្ញៀវទេសចរពីចិន មានច្រើនជាងគេ (៦,៧ លាននាក់) ហើយបន្ទាប់មកគឺ ម៉ាឡេស៊ី (៤,៩៣ លាននាក់) ឥណ្ឌា (២,១២ លាននាក់) កូរ៉េខាងត្បូង (១,៨៦ លាននាក់) និងរុស្ស៊ី (១,៧២ លាននាក់)។
គួរគូសបញ្ជាក់ថា ថៃត្រូវពឹងផ្អែកខ្លាំងលើវិស័យទេសចរណ៍ ដើម្បីជំរុញកំណើនសេដ្ឋកិច្ច ដែលដើរអូសជើង ចំពេលមានបំណុលគ្រួសារខ្ពស់ ហើយតម្រូវការក្នុងស្រុកនៅខ្សោយ។
ដោយបញ្ហានេះ រដ្ឋាភិបាលថៃបានដាក់ចេញនូវគោលនយោបាយផ្សេងៗ ដើម្បីជំរុញវិស័យទេសចរណ៍ទាំងក្នុង និងក្រៅស្រុក ដែលរួមមានគោលនយោបាយលើកលែងទិដ្ឋាការ ការរៀបចំកម្មវិធីជាតិ និងអន្តរជាតិធំៗ ដូចជាសង្រ្កាន្តចូលឆ្នាំ និងឆ្លងឆ្នាំសកលជាដើម។ ឆ្នាំ ២០២៥ ថៃបានកំណត់គោលដៅទាក់ទាញទេសចរអន្តរជាតិ ឱ្យបានប្រមាណ ៤០ លាននាក់ ខណៈការប្រកួតប្រជែងពីទីផ្សារផ្សេងៗទៀតកាន់តែកើនឡើង៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ