ព័ត៌មានជាតិ
កសិករខេត្តបាត់ដំបង ប្រើប្រាស់ដី ១០ រ៉ៃ រកចំណូលបាន ២ ដងក្នុង ១ ឆ្នាំ ទ្រទ្រង់ជីវភាពគ្រួសារ
កសិកររស់នៅឃុំអូររំដួល ស្រុកភ្នំព្រឹក ខេត្តបាត់ដំបង បានដាំដំណាំរយៈពេលវែងផង និងខ្លីផងលើផ្ទៃដី ១០ រ៉ៃ អាចបង្កើនប្រាក់ចំណូល ជាមួយការច្នៃប្រឌិតដីកុំឲ្យនៅទំនេរចោលក្លាយជាដីផ្តល់ប្រយោជន៍ សម្រាប់រកប្រាក់ចំណូលបន្ថែមក្រៅពីដំណាំប្រចាំរដូវកាល។
លោក ជា នឿម បានរៀបរាប់ថា លោកមានទំហំដី ១ រ៉ៃ ក្នុង ១ ឆ្នាំ ដោយអាចឲ្យលោករកចំណូលបាន ២ ដង ក្នុង ១ ឆ្នាំ តាមរយៈផលដំណាំកសិកម្ម ខណៈចំណូលរកបានលើកទី១ គឺការប្រមូលទិន្នផលពោត និងការរកចំណូលបានលើកទី២ គឺ បន្លែស្ពៃជើងទា។
ការដាំបន្លែស្ពៃជើងទា ឬស្ពៃជ្រក់នេះ លោកមានជំនាញយូរឆ្នាំហើយ និងមានបទពិសោធន៍គ្រប់គ្រាន់ សម្រាប់ឲ្យទិន្នផលស្ពៃទទួលបានល្អប្រសើរសម្រាប់ផ្គត់ផ្គង់លើទីផ្សារ តាមការរំពឹងទុករបស់លោក។
ការដាំបន្លែស្ពៃជើងទានេះ លោក ជា នឿម ថា «ខ្ញុំមានបទពិសោធន៍ក្នុងការដាំស្ពៃជើងទានេះ ជិត ២០ ឆ្នាំមកហើយបើគិតមកដល់ពេលនេះ គឺបាន ជាង ១៥ ឆ្នាំ មកហើយ»។
កសិករជើងចាស់រូបនេះបានពន្យល់ថា «វិធីសាស្រ្តនៃការដាំដុះស្ពៃឲ្យទទួលបានទិន្នផលខ្ពស់ គឺដំបូងត្រូវមើលប្រភពទឹក និងភ្ជួររាស់ដីឲ្យបានម៉ត់ស្មើល្អ ភ្ជួររាស់ពីរដងដើម្បីហាលដីឲ្យបានស្ងួតល្អ បន្ទាប់មករៀបចំប្រព័ន្ធទុយោទឹកជាស្រេច និងចាប់ផ្តើមសាបព្រួសគ្រាប់តែម្តង។ រយៈពេលនៃការព្រួសគ្រាប់ចាប់ពី ២៧ ថ្ងៃ ទៅ៣០ ថ្ងៃ អាចដកយកកូនមកស្ទូងបានហើយ ដោយស្ទូងចន្លោះពីគុម្ពមួយ ទៅគុម្ពមួយយ៉ាងហោច ២ តឹកកន្លះ ដើម្បីឲ្យស្ពៃអាចលូតលាស់បានចន្លោះពីជាងមួយគីឡូក្រាម ក្នុងមួយគុម្ព»។
លោកបន្តថា មុខរបរដាំស្ពៃជើងទារបស់លោករាល់ឆ្នាំ ក្រោយពីប្រមូលផលពោតលើទំហំដីតែមួយនេះ លោកតែងទទួលបានប្រាក់ចំណូលគួរសម ដែលអាចទ្រទ្រង់ជីវភាពគ្រួសាររបស់លោកបានយ៉ាងល្អប្រសើ។
ជាមួយគ្នានេះ លោក ជា នឿម ក៏បានអះអាងបន្ថែមដែរថា សម្រាប់ទីផ្សារស្ពៃជើងទានេះក៏មិនចង្អៀតពេកទេ ខណៈដែលស្ពៃប្រភេទនេះ គឺពេញនិយមក្នុងការប្រើប្រាស់របស់ប្រជាពលរដ្ឋទូទៅសម្រាប់កែច្នៃជារបបអាហារ
ប្រចាំថ្ងៃ ហើយស្ពៃប្រភេទនេះក៏អាចទាញបានចំណូល ២ ប្រភេទដែរ គឺចំណូលតាមរយៈធ្វើជ្រក់ និងចំណូលលក់ស្ពៃស្រស់ ដែលកសិករផ្សេងៗគួរដាំដុះ និងអាចរកចំណូលបានប្រសើរ ក្រៅពីប្រមូលផលដំណាំរយៈពេលវែង ហើយលោកក៏ស្វាគមន៍ក្នុងការជួយផ្នែកបច្ចេកទេសដាំឲ្យទទួលបានទិន្នផលល្អ បើសិនជាកសិករផ្សេងៗចង់ឲ្យលោកណែនាំ៕
អត្ថបទ៖ សៅ សារិទ្ធ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត