ព័ត៌មានអន្ដរជាតិ
ក្រុមប្រឹក្សាសេដ្ឋកិច្ចឥណ្ឌូណេស៊ី សុំឱ្យការពារឧស្សាហកម្មវាយនភ័ណ្ឌ ពីលំហូរចូលនៃទំនិញចិន
ប្រធានក្រុមប្រឹក្សាសេដ្ឋកិច្ចជាតិឥណ្ឌូណេស៊ី (DEN) លោក Luhut Binsar Pandjaitan បាននិយាយថា ឥណ្ឌូណេស៊ីត្រូវតែការពារឧស្សាហកម្មវាយនភ័ណ្ឌរបស់ខ្លួនពីលំហូរចូលនៃទំនិញវាយនភ័ណ្ឌចិន។ នេះបើតាមការចុះផ្សាយរបស់កាសែត Jakarta Globe នៅថ្ងៃព្រហស្បតិ៍នេះ។
អ្នកជំនាញឥណ្ឌូណេស៊ីលើកឡើងថា ទោះបីការបញ្ឈប់ពលករពីការងារ និងបញ្ហាប្រឈមសកលកើនឡើងក៏ដោយ ក៏ឧស្សាហកម្មវាយនភ័ណ្ឌនៅតែជាវិស័យជំរុញសេដ្ឋកិច្ចសំខាន់ ដោយផ្ដល់ការងារដល់កម្មករជិត ៤ លាននាក់ និងទាក់ទាញការវិនិយោគពីបរទេស និងក្នុងស្រុកយ៉ាងច្រើន។
លោក Luhut បាននិយាយក្នុងអំឡុងកិច្ចប្រជុំថ្នាក់ដឹកនាំប្រចាំតំបន់នៅទីក្រុង Magelang កាលពីថ្ងៃពុធថា៖ «ក្នុងរយៈពេលមួយឆ្នាំកន្លងមក ឥណ្ឌូណេស៊ីបានក្លាយជាទិសដៅផ្លាស់ប្តូរទីតាំងដ៏សំខាន់សម្រាប់ការផលិតវាយនភ័ណ្ឌ និងស្បែកជើង ដែលជំរុញដោយសង្រ្គាមពាណិជ្ជកម្មរវាងសហរដ្ឋអាមេរិក និងចិន និងតិត្ថិភាពឧស្សាហកម្ម (ផលិតផលជន់លិចទីផ្សារ) ក្នុងប្រទេសវៀតណាម»។
និន្នាការនេះ ឆ្លុះបញ្ចាំងឱ្យឃើញនៅក្នុងការកើនឡើងនៃការវិនិយោគផ្ទាល់ពីបរទេស (FDI) ក្នុងវិស័យវាយនភ័ណ្ឌ ដែលឈានដល់ ៩០៣ លានដុល្លារក្នុងឆ្នាំ ២០២៤ ដែលជាការកើនឡើង ១០៧ ភាគរយ ធៀបនឹងឆ្នាំ ២០២៣។
យ៉ាងណាមិញ លោក Luhut បានទទួលស្គាល់ថា បញ្ហាប្រឈមនៅតែមាន រួមទាំងការទិញដីសម្រាប់ផលិតកម្ម ការអនុម័តលិខិតអនុញ្ញាតបរិស្ថាន និងគោលនយោបាយប្រាក់ឈ្នួល។ លោកក៏បានបញ្ជាក់ផងដែរ ពីភាពចាំបាច់ក្នុងការការពារទីផ្សារក្នុងស្រុកពីការនាំចូលខុសច្បាប់។
លោកថ្លែងយ៉ាងដូច្នេះថា៖ «ការផលិតហួសតម្រូវការរបស់ចិន ដោយសារពន្ធរបស់សហរដ្ឋអាមេរិក បាននាំឱ្យពួកគេប្តូរទិសដៅការនាំចេញទៅកាន់ប្រទេសកំពុងអភិវឌ្ឍ រួមទាំងប្រទេសឥណ្ឌូណេស៊ីផងដែរ។ នេះចាំបាច់ត្រូវត្រួតពិនិត្យយ៉ាងដិតដល់។ ទន្ទឹមនឹងនោះ យើងត្រូវតែធានាថា ការនាំចូលវត្ថុធាតុដើមសម្រាប់ផលិតកម្ម មិនត្រូវបានរំខានទេ»។
ជាមួយគ្នានោះ ថ្វីបើការវិនិយោគរបស់ឧស្សាហកម្មមានភាពរីកចម្រើនក៏ដោយ ក៏ការបញ្ឈប់ការងារនៅតែបន្តកើនឡើង។ សមាគមអ្នកផលិតអំបោះ និងសរសៃអំបោះឥណ្ឌូណេស៊ី (Apsyfi) បានរាយការណ៍ថា រោងចក្រវាយនភ័ណ្ឌប្រហែល ៣០ ត្រូវបានបិទ នៅចន្លោះខែមករាដល់ខែឧសភា ឆ្នាំ ២០២៤ ដែលបណ្តាលឱ្យបាត់បង់ការងារចំនួន ១០ ៨០០ កន្លែង។
ក្រសួងធនធានមនុស្សឥណ្ឌូណេស៊ី បានព្រមានថា ការកាត់ការងារក្នុងវិស័យវាយនភ័ណ្ឌ អាចកើនឡើង ជាមួយនឹងការបញ្ឈប់ការងារអាចកើនឡើងពី ៨០ ០០០ នាក់ក្នុងឆ្នាំ ២០២៤ ដល់ ២៨០ ០០០ នាក់។ ក្រសួងបន្ថែមថា ក្រុមហ៊ុនវាយនភ័ណ្ឌចំនួន ៦០ កំពុងរៀបចំផែនការបញ្ឈប់ពលករពីការងារ ដែលអាចប៉ះពាល់ដល់បុគ្គលិករហូតដល់ ២០០ ០០០ នាក់៕
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
ការរញ្ជួយដីបណ្តាលឱ្យខូចខាតដល់សេដ្ឋកិច្ចថៃធ្ងន់ធ្ងរ ជាពិសេសវិស័យអចលនទ្រព្យ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ