Connect with us

ព័ត៌មានអន្ដរជាតិ

លោក Zelensky អួតតែពីអាវុធលោកខាងលិចផ្ដល់ឲ្យ អ៊ុយក្រែន ឯប្រទេស​កំពុងខ្ទេចខ្ទី

បានផុស

នៅ

ប្រធានាធិបតីអ៊ុយក្រែនលោក Volodymyr Zelensky បាននិយាយថា សម្ព័ន្ធមិត្តលោកខាងលិចរបស់លោកមានសព្វាវុធ ក៏ដូចជាឧបករណ៍ចាំបាច់គ្រប់បែបយ៉ាងទាំងអស់ដើម្បីឲ្យអ៊ុយក្រែនបញ្ឈប់សង្គ្រាមលុកលុយរបស់រុស្ស៊ី បើទោះបីជា​រុស្ស៊ី​កែន​កម្លាំងបន្ថែម​សម្រាប់​ការ​វាយប្រហារ​ថ្មី​ៗក៏ដោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែការអួតរបស់លោក Zelensky បែរជាផ្ទុយទៅនឹងស្ថានភាពជាក់ស្ដែងទៅវិញ ព្រោះថាប្រជាជនក្នុងទីក្រុងរ៉ែអំបិល Soledar នៃតំបន់ Donbas ភាគខាងកើត កំពុងឃើញតំបន់របស់ខ្លួនបានប្រែក្លាយទៅជាសមរភូមិ បន្ទាប់ពីទាហាន​រុស្ស៊ី​បើកការប្រយុទ្ធ​ដើម្បី​ដណ្តើម​យក​ទីក្រុង​នេះ​ជាមួយ​នឹង​ទាហាន​ស៊ីឈ្នួល​មកពី​ក្រុម Wagner ។

ពាក់ព័ន្ធបញ្ហានេះនេះ អ្នកវិភាគការពារជាតិអង់គ្លេសនិយាយថា កងកម្លាំងរុស្ស៊ីទាំងនោះទំនងជានឹងគ្រប់គ្រងបានទីក្រុងរ៉ែមួយនេះ ។ អ្នកវិភាគលើកឡើងថា កងកម្លាំងរុស្ស៊ីចង់ចូលទៅក្នុងផ្លូវរូងក្រោមដីជុំវិញអណ្តូងរ៉ែអំបិល ដើម្បីច្បាមយកគោលដៅចម្បងរបស់ពួកគេ ដោយសារតែ​ផ្លូវ​ក្រោម​ដីនោះ អាចធ្វើដំណើរ​ទៅ​កាន់ទី​ក្រុង Bakhmut ដែល​នៅក្បែរគ្នា ។

ទន្ទឹមនោះ រដ្ឋមន្ត្រីការបរទេសអ៊ុយក្រែន លោក Dmytro Kuleba ក៏បានជំរុញឲ្យសមភាគីអាឡឺម៉ង់លោកស្រី Annalena Baerbock ​​ពន្លឿន​ផែនការ​ផ្តល់​អាវុធ​បន្ថែម​ទៀតដល់រដ្ឋាភិបាលទីក្រុងកៀវផងដែរ ។ លោក Kuleba បញ្ជាក់ថា “ការជំរុញនេះ គឺដោយសារតែកន្លងមក បញ្ហាទាំងនេះធ្វើឲ្យខ្ញុំខកចិត្តរួចមកហើយ ព្រោះថា ការសម្រេចកាន់តែយូរ មនុស្សនឹងស្លាប់កាន់តែច្រើន ដោយសារកង្វះរថក្រោះចាំបាច់នៅក្នុងកងទ័ពរបស់យើង” ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាមានរយៈពេល ១០ ខែហើយ ។ បន្ទាប់មក លោកខាងលិច​បានដាក់​ទណ្ឌកម្ម​យ៉ាង​ខ្លាំងក្លា​ប្រឆាំង​រុស្ស៊ី និង​បង្កើន​ការផ្គត់ផ្គង់​សព្វាវុធ​ដល់​រដ្ឋាភិបាលទីក្រុងកៀវ ដែល​មានតម្លៃ​រាប់សិប​ពាន់​លាន​ដុល្លារ​ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក ត្រៀមបង្រៀនទ័ព អ៊ុយក្រែន ឲ្យចេះប្រើប្រព័ន្ធការពារដែនអាកាស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម