ព័ត៌មានអន្ដរជាតិ

អាមេរិក ត្រៀមបង្រៀនទ័ព អ៊ុយក្រែន ឲ្យចេះប្រើប្រព័ន្ធការពារដែនអាកាស

បានផុស

១ year មុន

នៅ

ថ្ងៃពុធ ១១ មករា ២០២៣

ដោយ

មន្ទីរបញ្ចកោណបាននិយាយកាលពីថ្ងៃអង្គារថា សហរដ្ឋអាមេរិកនឹងចាប់ផ្តើមបង្រៀនកងកម្លាំងអ៊ុយក្រែនឲ្យចេះប្រើប្រព័ន្ធខែលការពារដែនអាកាស Patriot នៅឯមូលដ្ឋានយោធា Fort Sill ក្នុងរដ្ឋ Oklahoma នាសប្តាហ៍ក្រោយ ដើម្បីទប់ទល់នឹង រុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យមន្ទីរបញ្ចកោណលោកមេបញ្ជាការ Pat Ryder បានប្រាប់អ្នកសារព័ត៌មានថា “ការបង្ហាត់បង្រៀននេះនឹងប្រើរយៈពេលច្រើនខែ ហើយនឹងបង្វឹកលើទាហានអ៊ុយក្រែនប្រមាណពី ៩០ ទៅ ១០០ នាក់ ដើម្បីឲ្យចេះទាំងប្រតិបត្តិការ ការថែរក្សា និងជំនាញពាក់ព័ន្ធផ្សេងទៀតលើប្រព័ន្ធខែលការពារដែនអាកាស Patriot ” ។

ការបង្ហាត់បង្រៀននេះកើតឡើង បន្ទាប់ពីកាលពីថ្ងៃទី ២១ ខែធ្នូ ឆ្នាំ២០២២ លោកប្រធានាធិបតីអាមេរិក Joe Biden បានប្រកាសកញ្ចប់ជំនួយយោធាចំនួន ១.៨៥ ពាន់លានដុល្លារបន្ថែមទៀតសម្រាប់អ៊ុយក្រែន រួមទាំងខែលការពារមីស៊ីល Patriot ផងដែរ ។

គួរបញ្ជាក់ថា ការប្រកាសផ្ដល់ជំនួយនេះបានធ្វើឡើង ក្នុងអំឡុងពេលសន្និសីទសារព័ត៌មានរបស់លោក Biden រួមជាមួយប្រធានាធិបតីអ៊ុយក្រែនលោក Volodymyr Zelensky នៅឯសេតវិមាន ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មេដឹកនាំ Chechen ថា លោកខាងលិចយក អ៊ុយក្រែន ធ្វើជាកន្លែងលាងលុយខ្មៅ