កូវីដ-១៩
ជនជាតិថៃជាង២០០នាក់ ធ្វើតេស្តរហ័សកូវីដនៅព្រំដែនចាំយាម
កោះកុង៖ ក្រុមអ្នកបើកបរ និងព្រូលរថយន្តដឹកជញ្ចូនទំនិញគ្រប់ប្រភេទដែលឆ្លងដែនមកពីប្រទេសថៃ ត្រូវបានកំណត់ឱ្យធ្វើតេស្តរហ័សស្វែងរកជំងឺកូវីដ-១៩ នៅតំបន់ច្រកទ្វារព្រំដែនអន្តរជាតិចាំយាម ខេត្តកោះកុង។
ឯកឧត្តមវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង ថ្លែងឱ្យដឹងនៅរសៀលថ្ងៃទី២៧ ខែមេសា នេះថា គិតមកទល់ម៉ោង៥ល្ងាចនេះ មន្រ្តីជំនាញរបស់លោកបានយកសំណាកជនជាតិថៃដែលជាអ្នកបើកបរ និងអ្នករួមដំណើរចេញចូលឆ្លងដែនមកខេត្តកោះកុង ប្រទេសកម្ពុជាបានជាង២០០នាក់ហើយ។
ប្រធានមន្ទីរសុខាភិបាលខេត្តកោះកុង អះអាងថា ជាលទ្ធផលនៃការរកជំងឺកូវីដ-១៩លើក្រុមប្រឈមទាំងនោះទទួលបានអវិជ្ជមាន គ្រាពួកគេធ្វើដំណើរមកពីខេត្តត្រាត ឈុនបូរី រ៉ាក់យ៉ង សាមុតសាខន និងខេត្តមួយចំនួនទៀត។ ប៉ុន្តែមិនធ្វេសប្រហែសឡើយ គ្រាប្រទេសថៃ មានអត្រាឆ្លងកូវីដ-១៩ចំនួនច្រើនគួរឱ្យបារម្ភ។
ឯកឧត្តម ទៅ ម៉ឹង បន្ថែមថា ក្រុមមនុស្សដែលធ្វើតេស្តថ្ងៃនេះ ត្រូវបានកត់ត្រាយ៉ាងច្បាស់លាស់ រីឯក្រុមមនុស្សថ្មីចាំបាច់តេស្តភ្លាមៗតែម្តង ទើបអនុញ្ញាតឱ្យធ្វើដំណើរបន្តបាន។ វិធានការសុខាភិបាលទៅលើក្រុមមនុស្សដែលជាជនជាតិថៃចេញចូលខេត្តញឹកញាប់ ក៏ព្រោះតែឈរលើគោលការណ៍ប្រុងប្រយ័ត្នខ្ពស់មួយរបស់រាជរដ្ឋាភិបាលកម្ពុជាទប់ស្កាត់ការរីករាលដាលជំងឺកូវីដក្នុងខេត្ត ក៏ដូចជាប្រទេសកម្ពុជាទាំងមូល។
លោក ប្រាក់ វិចិត្រ អភិបាលស្រុកមណ្ឌលសីមា ឱ្យដឹងថា ក្រុមបើកបរ និងអ្នកដំណើរមកពីប្រទេសថៃ ពួកគេតែងដឹកជញ្ចូនទំនិញក្នុងទឹកដីខេត្ត ភាគច្រើនគឺនៅផ្សារភូមិថ្មី ផែស្ងួតនាងកុក និងផែប្រមូលទិញផលនេសាទ ស្ថិតនៅឃុំប៉ាក់ខ្លង។
រីឯលោក ទូ សាវុធ អភិបាលរងខេត្តកោះកុង លើកឡើងថា អំឡុងពេលធ្វើតេស្តអ្នកដែលធ្វើតេស្តមុខដដែល ១ខែក្រោយមកទើបធ្វើតេស្តជាថ្មីម្តងទៀត ករណីពេលរកឃើញថាមានអ្នកផ្ទុកជំងឺកូវីដ-១៩នេះ អាជ្ញាធរកោះកុងនឹងផ្តល់ព័ត៌មានទៅអាជ្ញាធរស្រុកខ្លង់យ៉ៃ មកទទួលយកពិនិត្យព្យាបាល។
លោកអភិបាលរងខេត្តកោះកុង បង្ហាញទៀតថា យុទ្ធនាការសុខាភិបាលដ៏មុតស្រួចនេះ នឹងអនុវត្តចាប់ពីថ្ងៃទី២៧ មេសា តទៅ។ ក្រៅពីច្រកទ្វារព្រំដែនចាំយាម ក៏មានការធ្វើតេស្តរហ័សនៅប៉ុស្តិពិនិត្យសុខភាពតាមបណ្តោយផ្លូវជាតិលេខ៤៨ ឃុំបឹងព្រាវ ស្រុកស្រែអំបិលផងដែរ ដើម្បីតេស្តសំណាករាល់អ្នកធ្វើដំណើរពីខេត្តផ្សេងៗចូលមក ទឹកដី ខេត្តកោះកុង។
គួរជម្រាបថា នេះជាលើកដំបូងហើយដែល អាជ្ញាធរ មន្ទីរសុខាភិបាល និងមន្រ្តីជំនាញពាក់ព័ន្ធខេត្តកោះកុង ផ្តើមតម្រូវឱ្យមានការធ្វើតេស្តរហ័សស្វែងរករោគសញ្ញាសង្ស័យពីជំងឺកូវិដ-១៩ សម្រាប់អ្នកបើកបរថយន្តដឹកជញ្ចូនទំនិញគ្រប់ប្រភេទតំបន់ព្រំដែនកម្ពុជា-ថៃ៕
អត្ថបទ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល