កូវីដ-១៩

សមត្ថកិច្ចចុះបិទទីតាំងក្រុមហ៊ុនវីរៈប៊ុនថាំ បន្ទាប់ពីសង្ស័យថា មានការពាក់ព័ន្ធនឹងជំងឺកូវីដ ១៩

បានផុស

៥ years មុន

នៅ

ថ្ងៃចន្ទ ៣ ឧសភា ២០២១

ដោយ

ទីតាំងក្រុមហ៊ុនដឹកជញ្ជូនទំនិញ វីរៈប៊ុនថាំ មួយកន្លែងត្រូវបានកម្លាំងសមត្ថកិច្ចចុះបិទជាបណ្តោះអាសន្ន ទៅតាមគោលការណ៍របស់មន្ទីរសុខាភិបាល បន្ទាប់ពីមានការសង្ស័យលើអ្នកបើកបរមួយរូបដែលបានដឹកទំនិញចេញពីក្រុងប៉ោងប៉ែត មកទម្លាក់នៅក្នុងទីតាំងនេះ រួចបានបន្តដំណើរទៅកាន់ខេត្តប៉ៃលិនទៀត ដើម្បីទម្លាក់ឥវ៉ាន់នៅទីនោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះបិទទីតាំងនេះគឺបានធ្វើឡើងនារសៀលថ្ងៃទី២ ខែឧសភា ឆ្នាំ២០២១ ត្រង់ចំណុចក្រុមហ៊ុន វីរៈប៊ុនថាំ( អតីតសណ្ឋាគារ ហាំងឡាយ ) ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង បន្ទាប់ពីមានការសង្ស័យទៅលើអ្នកបើកបររថយន្តរបស់ក្រុមហ៊ុននេះ ដែលបានបើកចេញពីតំបន់ក្រុងប៉ោយប៉ែតចូលមកទម្លាក់ឥវ៉ាន់នៅក្នុងទីតាំងនេះ ។

លោក វឿង ប៊ុនរ៉េត ប្រធានមន្ទីរសុខាភិបាលខេត្តបានបញ្ជាក់ថា ការបិទទីតាំងនេះ គឺគ្រាន់តែជាការសង្ស័យតែប៉ុណ្ណោះ ដោយសារតែមានអ្នកបើកបររថយន្តរបស់ក្រុមហ៊ុន វីរៈប៊ុនថាំ ម្នាក់ដែលមានស្រុកកំណើតនៅខេត្តបន្ទាយមានជ័យ បានដឹកទំនិញចេញពីក្រុងប៉ោយប៉ែតចូលមកក្នុងក្រុមហ៊ុននេះ រួចបានបន្តដំណើរទៅដល់ខេត្តប៉ៃលិន ទើបសមត្ថកិច្ចនិងក្រុមគ្រូពេទ្យនៅទីនោះឃាត់ខ្លួនបាន ដើម្បីយកសំណាក់ទៅពិនិត្យ ។ ដោយសារតែមានការសង្ស័យបែបនេះ ទើបលោកបានចាត់កម្លាំងចុះប្រមូលបុគ្គលិកទាំងអស់ដែលបម្រើការងារនៅក្នុងក្រុមហ៊ុន វីរៈប៊ុនថាំ យកទៅធ្វើចត្តាឡីស័ក នៅក្នុងមន្ទីរពេទ្យខេត្តដើម្បីរង់ចាំទទួលលទ្ធផល៕

អត្ថបទ ៖ សោ និយមរដ្ឋ