កូវីដ-១៩
ស្ដ្រីជំងឺកូវីដ-១៩ ឈឺពោះ ទម្រាំមានពេទ្យទទួលសម្រាល បានទទួលថវិកាពីអភិបាលរាជធានី
ភ្នំពេញ៖ ស្ដ្រីជាកម្មការិនីរោងចក្រ ដែលកើតជំងឺកូវីដ-១៩ សម្រាកនៅមណ្ឌលចត្តាឡីស័កអនុវិទ្យាល័យ សិរីមង្គល ស្រុកខ្សាច់កណ្ដាល ខេត្តកណ្ដាល បានឈឺពោះឆ្លងទន្លេ ហើយត្រូវបានបញ្ជូនទៅមន្ទីរពេទ្យមិត្តភាពខ្មែរ-សូវៀត សម្រាលកូនបានដោយសុវត្ថិភាពទាំងម្ដាយទាំងកូន ក្រោយពីឈឺពោះឆ្លងទន្លេ ហើយត្រូវបានគេបញ្ជូនទៅមន្ទីរពេទ្យផ្សេងៗ តែមិនមានពេទ្យណាហ៊ានទទួល។
ដើម្បីជួយសម្រួលការលំបាកខ្វះខាត លោក ឃួង ស្រេង អភិបាលរាជធានីភ្នំពេញ ក្រៅពីអន្តរាគមន៍ជួយសង្គ្រោះហើយ នាព្រឹកថ្ងៃទី២៧ ខែឧសភានេះ បានប្រគល់ថវិកាចំនួន៥លានរៀលរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាជូនស្ដ្រីជាកម្មការិនីរោងចក្ររូបនោះ។
ស្ដ្រីជាកម្មការិនីរោងចក្រម្នាក់នេះឈ្មោះ ព្រិច ផាន់ណា អាយុ២៥ឆ្នាំ ជាកម្មការិនីរោងចក្រ SIX Plus នៅម្ដុំព្រែកអញ្ចាញ ស្រុកមុខកំពូល ខេត្តកណ្ដាល។
លោកស្រី ព្រិច ម៉ារី ដែលត្រូវជាបងស្រីបង្កើតរបស់អ្នកជំងឺកូវីដ-១៩ខាងលើ បានអោយដឹងថា នៅថ្ងៃទី២៣ ខែឧសភា ប្អូនស្រីរបស់គាត់ ឈឺពោះឆ្លងទន្លេ (គ្រប់ថ្ងៃធម្មតា) ហើយបានសួរនាំ និងឱ្យពេទ្យដែលប្រចាំការនៅមណ្ឌលចត្តាឡីស័ក អនុវិទ្យាល័យសិរីមង្គល ជួយពិនិត្យ។ ពេលពិនិត្យនោះពេទ្យបានបញ្ជាក់ថា ស្បួនមិនទាន់បើកនោះទេ ត្រូវរង់ចាំសិន។
លុះដល់ព្រឹកថ្ងៃទី២៤ ខែឧសភា ដោយគាត់កាន់តែឈឺពោះខ្លាំង ក្រុមគ្រូពេទ្យនៅមណ្ឌលចត្ដាឡីស័កបញ្ជូនទៅមន្ទីរពេទ្យបង្អែកជ័យជម្នះ ស្ថិតក្នុងក្រុងតាខ្មៅ ខេត្តកណ្ដាល។ ប្រហែលមួយម៉ោងក្រោយមក ពេលបញ្ជូនទៅដល់ពេទ្យបង្អែកជ័យជម្នះ ប្អូនរបស់គាត់មិនទាន់សម្រាកកូននោះទេ។ ក្រោយមន្ទីរពេទ្យបង្អែកជ័យជម្នះ បានបញ្ជូនគាត់តាមរថយន្ដសង្គ្រោះបន្ទាន់ ទៅកាន់មន្ទីរពេទ្យគាំពារមាតា និងទារក (ពេទ្យជប៉ុន)។ ប៉ុន្ដែពេទ្យជប៉ុន មិនទាន់ទទួលគាត់ឱ្យចូលសម្រាកកូននោះទេ។ គ្រាកំពុងរង់ចាំការសម្រេចរបស់ពេទ្យ ស្រាប់តែប្អូនស្រីរបស់គាត់បែកទឹកភ្លោះនៅលើរថយន្ដសង្គ្រោះបន្ទាន់តែម្ដង។
លោក ឃួង ស្រេង អភិបាលរាជធានីភ្នំពេញ ក្រោយពីទទួលបានព័ត៌មាននេះ លោកបានទាក់ទងទៅប្រធានមន្ទីរពេទ្យមិត្តភាពខ្មែរ-សូវៀត ឱ្យជួយទទួលស្ដ្រីខាងលើ ដើម្បីសម្រាលកូន ហើយការសម្រាលកូននោះ ទទួលបានជោគជ័យ ដោយសុវត្ថិភាពទាំងម្តាយ និងទារក។
លោកស្រី ព្រិច ម៉ារី ជំនួសមុខឱ្យក្រុមគ្រួសារទាំងមូល បានថ្លែងអំណរគុណយ៉ាងជ្រាលជ្រៅជាទីបំផុត ចំពោះសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា តាមរយៈលោក ឃួង ស្រេង អភិបាលរាជធានីភ្នំពេញ ប្រធានមន្ទីរពេទ្យ និងក្រុមគ្រូពេទ្យនៃមន្ទីរពេទ្យរុស្ស៉ី ដែលបានអន្ដរាគមន៍ភ្លាមៗទាន់ពេលវេលា ដើម្បីជួយសង្គ្រោះប្អូនស្រីរបស់គាត់ រួមទាំងកូនក្នុងផ្ទៃទាន់ពេលវេលា៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ