បវរកញ្ញា សារ៉ាន់ គឹមឡាង នាំយកទង់ជាតិកម្ពុជាចេញទៅប្រកួតលើឆាកអន្តរជាតិ នៅហ្វីលីពីន

បវរកញ្ញា សារ៉ាន់ គឹមឡាង ដែលតំណាងឲ្យកម្ពុជាចេញទៅប្រកួតលើឆាកអន្តរជាតិនៅលើទឹដីប្រទេសហ្វីលីពីនថ្មីៗនេះបានចេញមុខស្នើសុំការផ្តល់កម្លាំងចិត្តពីមហាជន ពិសេសគឺអ្នកនិយមតាមដានវិស័យបវរកញ្ញា ដើម្បីនាងមានឱកាសទទួលបានលទ្ធផលល្អក្នុងការប្រកួតប្រជែងមួយនេះ។

ក្នុងតំណែង Miss Earth Cambodia 2025 កញ្ញា សារ៉ាន់ គឹមឡាង បានឡើងយន្តហោះចាកចេញពីប្រទេសកម្ពុជា ដើម្បីទៅប្រកួតសម្រស់កាលពីថ្ងៃទី១៩ ខែតុលា ឆ្នាំ២០២៥ កន្លងទៅ ដើម្បីតំណាងឱ្យកម្ពុជា ចូលរួមប្រកួតលើឆាកអន្តរជាតិក្នុងកម្មវិធី Miss Earth 2025 នៅប្រទេសហ្វីលីពីន។

មុនពេលចាកចេញពីប្រទេសកំណើតបវរកញ្ញា សារ៉ាន់ គឹមឡាង បានអះអាងថា នាងបានត្រៀមខ្លួនរួចជាស្រេចក្នុងការតំណាងឱ្យកម្ពុជាសម្រាប់ការលើឆាកអន្តរជាតិ Miss Earth 2025 នឹងអរគុណសម្រាប់ទឹកចិត្តដ៏ធំធេង របស់ប្រជាជនកម្ពុជាសម្រាប់ការគាំទ្រ នឹងលើកទឹកចិត្តដល់រូបនាងផងដែរ។

សារ៉ាន់ គឹមឡាង បាននិយាយបន្ថែមថា “ខ្ញុំសង្ឃឹមថាបងប្អូននឹងបន្តចូលគាំទ្រនឹងផ្តល់កម្លាំងចិត្តដល់និងខ្ញុំក្នុងការតំណាងឲ្យកម្ពុជាលើឆាកអន្តរជាតិនិង សម្រាប់ជាកម្លាំងចិត្តក្នុងការនាំយកទង់ជាតិកម្ពុជាទៅលើឆាកអន្តរជាតិ”។ដោយឡែក អ្វីចាប់អារម្មណ៍ថែមទៀតកញ្ញា សារ៉ាន់ គឹមឡាង មិនត្រឹមតែបង្ហាញភាពជឿជាក់ដោយស្នាមញញឹមទេ នាងក៏បានរំលេចសម្រស់ជាមួយការបង្ហាញទង់ជាតិកម្ពុជាដោយភាព​ថ្លៃថ្នូរ​បង្ហាញភាពជាកុលស្រ្តីទៅកាន់​ឆាកអន្តរជាតិ៕ ចាន់រ៉ា