ជីវិតកម្សាន្ដ

ណុប បាយ៉ារិទ្ធ បញ្ជាក់ថា បានជាសះស្បើយ១០០ភាគរយពីជំងឺកូវីដ១៩ហើយ

បានផុស

៥ years មុន

នៅ

ថ្ងៃចន្ទ ១៩ មេសា ២០២១

ដោយ

ទីបំផុតតារាចម្រៀងហង្សមាសលោក ណុប បាយ៉ារិទ្ធ បានជាសះស្បើយពីជំងឺកូវីដ-១៩ហើយបន្ទាប់សម្រាកនៅមន្ទីរពេទ្យ និងអនុញ្ញាតឲ្យវិលត្រឡប់មកផ្ទះបន្តធ្វើចត្តាឡីស័ក១៤ថ្ងៃបន្ថែមទៀតដើម្បីតាមដានសុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ណុប បាយ៉ារិទ្ធ បានបញ្ជាក់ថា គិតចាប់តាំងពីថ្ងៃធ្វើតេស្តសំណាកលើកចុងក្រោយបង្អស់របស់លោកមកទល់ពេលនេះ គឺ៥ថ្ងៃហើយ។ លោកថាថ្ងៃទី១៤ ខែមេសា ជាថ្ងៃយកសំណាកទៅពិនិត្យជាលើកចុងក្រោយ ហើយគ្រូពេទ្យបានប្រាប់ថា៣ថ្ងៃក្រោយ ប្រសិនបើមិនមានការខលទំនាក់ទំនងពីគ្រូពេទ្យមកទេ គឺមានន័យថា លោកបានជាសះស្បើយ១០០ភាគរយពីជំងឺកូវីដ-១៩ហើយ តែបើគ្រូពេទ្យខលមកមានន័យថា ជំងឺរបស់លោកអាចមានបញ្ហាណាមួយដែលខុសប្រក្រតីត្រូវព្យាបាលបន្តទៀត។

តារាប្រុសលោក ណុប បាយ៉ារិទ្ធ បានបន្តទៀតថា ក្នុងអំឡុង៣ថ្ងៃមុន លោកនៅតែមិនទាន់អស់ចិត្តនៅតែបន្តចាំរហូតដល់ថ្ងៃនេះ ជាថ្ងៃទី៥ដើម្បីឲ្យកាន់តែច្បាស់ក្នុងចិត្ត។ ពេលនេះលោកបានជាសះស្បើយ១០០ភាគរយហើយ ប៉ុន្តែអ្វីដែលលោកនៅតែគោរពយ៉ាងខ្ជាប់ខ្ជួន គឺវិធានការណ៍«៣កុំ ៣កាពារ»ជាប់ជានិច្ច និងការស្នាក់នៅតែក្នុងផ្ទះមិនចេញទៅខាងក្រៅដាច់ខាត ក្រៅពីការគោរពតាមបទបញ្ជាពីប្រមុខរាជរដ្ឋាភិបាល និងក្រសួងសុខាភិបាល គឺលោកនៅមិនទាន់បាត់ការភ័យខ្លាចទេ ។

លោកបន្ថែមថា ជំងឺនេះគឺមិនមែនធម្មតាៗដូចការគិតរបស់យើងទេ ហានិភ័យគឺកើតពីការមើលស្រាល ប្រមាថនិងធ្វេសប្រហែស ដូច្នេះសូមបង្កើនការប្រុងប្រយ័ត្ន ហើយអនុវត្តតាមគោលការនែនាំរបស់ប្រមុខរាជរដ្ឋាភិបាល និងក្រសួងសុខាភិបាល ៕

អត្ថបទ ៖ ចាន់រ៉ា

Related Topics:តារាចម្រៀង លោក ណុប បាយ៉ារិទ្ធ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា