ជីវិតកម្សាន្ដ

ភរិយា លោក ស៊ុក សុភា ទម្លាយរឿងពិតនៅពីក្រោយការបែកបាក់ស្នេហា

បានផុស

៥ years មុន

នៅ

ថ្ងៃសៅរ៍ ២៨ សីហា ២០២១

ដោយ

ភ្នំពេញ: ទស្សនិកជន និងអ្នកគាំទ្រភ្ញាក់ផ្អើលគ្រប់គ្នាបន្ទាប់ពីធ្លាយថា ចំណងស្នេហ៍កូន៥របស់អតីតតារាសម្ដែងលោក ស៊ុក សុភា និងភរិយាបានដើរដល់ផ្លូវបែកបាក់ ក្រោយពីភរិយាប្រកាសលែងលះគ្នាបន្ទាប់រៀបការបានជិត១០ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើគណនីហ្វេសប៊ុកឈ្មោះ Sarina Lucky L uy ដែលត្រូវជាភរិយាលោក ស៊ុក សុភា បានលើកថា៖ “សុំជូនដំណឹងដល់បងប្អូនទាំងអស់គ្នា ឱ្យបានដឹងថា ខ្ញុំ និង ស៊ុក សុភា លែងលះគ្នាហើយ ដូច្នេះចាប់ពីថ្ងៃនេះទៅ គាត់ធ្វើអ្វីជាសិទ្ធិរបស់គាត់ រីឯខ្ញុំក៏ជាសិទ្ធិរបស់ខ្ញុំ។ មូលហេតុ សុំមិនបកស្រាយ មានតែពាក្យថា ឆ្អែត!”។

តួយ៉ាងភ្លាមៗនៃការប្រកាសនេះបានធ្វើឱ្យមិត្តភក្តិ និងអ្នកប្រើបណ្តាញសង្គមជាច្រើនមានចម្ងល់បានសួរនាំគ្រប់គ្នា ខណ:មានខ្លះទៀតយល់ថា មិនមែនជាការពិត។ ប៉ុន្តែជាចម្លើយត្រូវបានអ្នកនាង ហ្សារីណា និយាយថា៖ “ខ្ញុំសុំបកស្រាយយ៉ាងខ្លីថា មិនមែនសម្ដែងតែជាការពិតរឿង ដូច្នេះខ្ញុំមិនយកមកលែងសើចទេ”។

អ្នកនាង ហ្សារីណា បន្តទៀតថា សុំបកស្រាយថាដែលយើងលែងគ្នាមិនមែនមកពីរឿងកំហុសដែលយើងធ្វើខុសទេ តែមកពីភាគីម្នាក់យកក្រុមគ្រួសារមកបូកចូល។ គេធ្វើឱ្យយើងឃើញថា គ្រួសារគេមិនចេះខុស យើងជានរណាក៏ដោយ នៅដល់ណាក៏ដោយ យើងត្រូវទទួលថា យើងខុស យើងជាក្មេង ជាកូនចង់គេមិនឱ្យតម្លៃ ក៏យើងត្រូវតែទទួលថា យើងខុស ចង់យើងខំប្រឹងដើម្បីកូនគេយ៉ាងណា ក៏យើងត្រូវទទួលថាយើងខុស។ ចៃដន្យ មនុស្សដូចខ្ញុំខុសថាខុស ត្រូវថាត្រូវ មិនខុសមិនឱនក្បាលជាដាច់ខាត”។

អ្នកនាងបញ្ជាក់ដែរថា៖ “បើបងបានប្ដី មិនចេះបែកចែករឿងគ្រួសារ និងជីវិតប្ដីប្រពន្ធឱ្យបានច្បាស់លាស់ផងយើងឱ្យឱកាសទៀតដដែលៗម្ដេចបាន? យើងមិនឱ្យគេស្អប់គ្រួសារគេទេ យើងក៏ចេះស្រឡាញ់គ្រួសារយើង គេក៏ចេះស្រឡាញ់គ្រួសារគេ តែសុំឱ្យចេះបែងចែងរវាងក្ដីស្រឡាញ់ទាំង២ហ្នឹងឱ្យបានច្បាស់លាស់”។

អ្នកនាង ហ្សារីណា បន្ថែមថា៖ “មនុស្សខ្ញុំជាមនុស្សចិត្តបុណ្យ ធ្វើបុណ្យណាស់ បើចេះឱបក្រសោបខ្ញុំ ជួយអស់ពីខ្លួនងាប់ចោល តែកុំឱ្យតែខ្ញុំជួយហើយ មើលរំលង ឬមិនឱ្យតម្លៃខ្ញុំ ខ្ញុំសុខចិត្តដោះលែងអ្នកឯងចោលដូចគ្នា”។

សូមជម្រាបថា អតីតតារាសម្តែងមានឈ្មោះល្បីល្បាញក្នុងរឿង ទុំទាវ លោក ស៊ុក សុភា បានរៀបការជាមួយនឹងភរិយាអ្នកនាង ហ្សារីណា ដែលជាអាណិកជនខ្មែរ-រស់នៅអូស្ត្រាលីមានរយ:ពេលជិត១០ឆ្នាំហើយ ខណ:អ្នកទាំងពីរទទួលបានកូន៥នាក់ជាចំណងដៃអាពាហ៍ពិពាហ៍៕

អត្ថបទ៖ ចាន់រ៉ា