ជីវិតកម្សាន្ដ

ករុណា ពេជ្រ ព្រឺសម្បុរពេលចូលដល់ពហុកីឡាដ្ឋានជាតិមរតកតេជោ

បានផុស

២ years មុន

នៅ

ថ្ងៃសៅរ៍ ១៨ ធ្នូ ២០២១

ដោយ

ភ្នំពេញ ៖ មិនត្រឹមតែបង្ហាញអារម្មណ៍រំភើបខ្លាំងទេតារាចម្រៀងថោនលោក ករុណា ពេជ្រ បានថ្លែង ប្រាប់ឲ្យដឹងថា លោកមានអារម្មណ៍ព្រឺសម្បុរខ្លាំងពេលដែលបានទៅដល់ពហុកីឡាដ្ឋានជាតិមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង ករុណា ពេជ្រ បានបញ្ជាក់ថា ជាការពិត កាលពីថ្ងៃទី១៧ ខែធ្នូ ឆ្នាំ២០២១ម្សិលមិញលោកបានទៅចូលរួមដើម្បីហាត់ត្រៀមច្រៀងសម្ដែងក្នុងពិធីសម្ពោធវិមានកីឡាដ្ឋាននៃពហុកីឡាដ្ឋានជាតិមរតកតេជោនៅថ្ងៃទី១៨ខែធ្នូឆ្នាំ២០២១នេះ។

លោក ករុណា ពេជ្រ បន្តទៀតថា ការដែលលោកឡើងព្រឺសម្បុរនោះគឺដោយសារតែពហុកីឡាដ្ឋានមរតកតេជោពិតជាស្រស់ស្អាតខ្លាំងណាស់ ហើយពេលទៅឃើញផ្ទាល់គឺមានអារម្មណ៍ថាដូចនៅស្រុកគេអីចឹង។ លោកថា ក្នុងនាមជាខ្មែរម្នាក់គឺពិត ជាមានមោទនភាពណាស់ដែលយើងមានពហុកីឡាដ្ឋានដ៏អស្ចារ្យនៅពេលនេះ។

លោក ករុណា ពេជ្រ បន្ថែមដែរថាស្អាតណាស់រំភើបណាស់វិមានកីឡដ្ឋាននៃពហុកីឡដ្ឋានជាតិមរតកតេជោសំណង់ប្រវត្តិសាស្ត្រដ៏ធំរបស់កម្ពុជាអរគុណសន្តិភាព។ ពិតជាអស្ចារ្យមែនបងប្អូនអើយ វិមានកីឡដ្ឋាននៃពហុកីឡដ្ឋានជាតិមរតកតេជោ។ លោកនិយាយទៀតថា នេះគ្រាន់តែជាអារម្មណ៍ពិតមួយ ក្នុងនាមខ្ញុំជាប្រជាពលរដ្ឋខ្មែរជាកូនខ្មែរដែលកំពុងរស់នៅលើទឹកដីកម្ពុជាជាមួយសំណង់ដ៏ធំស្កឹមស្កៃ ដែលជាវិមានកីឡដ្ឋាននៃពហុកីឡដ្ឋានជាតិមរតកតេជោ៕

ដោយ ៖ ចាន់រ៉ា