ករុណា ពេជ្រ ប្រកាសវិលវិញជាមួយរសជាតិថ្មី ក្រោយស្ងប់ស្ងាត់មួយរយៈធំ

បន្ទាប់ស្ងប់ស្ងាត់បាត់វត្តមានពីវិថីចម្រៀងមួយរយ:ធំ តារាចម្រៀងជើងចាស់ លោក ករុណា ពេជ្រ បានប្រកាសដល់អ្នកគាំទ្ររបស់ខ្លួនថា លោកនឹងវិលមកវិញជាថ្មីជាមួយរសជាតិថ្មី ដើម្បីបំពេញបំណងនិងបំពេអារម្មណ៍ទស្សនិកជនក្នុងពេលឆាប់ៗនេះ។

ទោះបីជាតារាចម្រៀង ករុណា ពេជ្រ ហាក់ឃ្លាត់ឆ្ងាយពីសិល្ប:មួយរយ: តែទឹកចិត្តលោកគឺនៅតែនឹកដល់អ្នកគាំទ្រនិងអាជីពចាស់របស់ខ្លួនដែលធ្លាប់សាងភាពល្បីឈ្មោះជាច្រើនឆ្នាំកន្លងមក។ តួយ៉ាងពេលនេះ ករុណា ពេជ្រ បានបង្ហាញតម្រុញដល់អ្នកគាំទ្រចូលខ្លួនមករម្លឹកអនុស្សាវរីយ៍កាលពី១៤ឆ្នាំមុន។

បើតាមលោក ករុណា ពេជ្របានឲ្យនៅព្រឹកថ្ងៃទី២៧ ខែកញ្ញានេះថា លោកមកសារជាថ្មី លើសនេះមកដោយការជឿជាក់មករំលឹកអនុស្សាវរីយ៍ កាលពី១៤ឆ្នាំមុន ហើយក៏តាមអ្វីដែលជាសមត្ថភាពខ្លួនមាន។ លោកបន្តថា សូមអញ្ជើញចូលរួមមកច្រៀងលេងរំលឹកអនុស្សាវរីយ៍ជាមួយលោកនូវរសជាតិថ្មី ប៉ុន្តែអត្ថន័យក្នុងការនិពន្ធកែច្នៃបទភ្លេងថ្មីទាំងបទចាស់និងនិពន្ធថ្មី។

តារាចម្រៀងលោក ករុណា ពេជ្រ បានបញ្ជាក់បន្ថែមថាលោកនឹងចាប់ផ្តើមមានវត្តមានចាប់ពីថ្ងៃ ០៣ ខែតុលាឆ្នាំ២០២៤នេះ នៅក្នុងផលិតកម្មថោន។ គួរបញ្ជាក់ថា លោក ករុណា ពេជ្រ ក៏ជាតារាចម្រៀងល្បីឈ្មោះប្រ ចាំនៅប្រទេសកម្ពុជាមួយរូប កន្លងអ្នកគាំទ្រធ្លាប់ដឹងហើយថាសម្រាប់ទីផ្សាចម្រៀងរបស់លោក ហាក់មានសន្ទុះខ្ពស់មិនចាញ់តារាប្រុស-ស្រីរួមជំនាន់ឡើយតា មរយ:ទឹកដមសម្លេងពិរោះក្រអួនក្រអៅ៕ អត្ថបទ៖ ចាន់រ៉ា