ជីវិតកម្សាន្ដ

នារីម្នាក់បន្តទម្លាយរឿង សឿ សុធារ៉ា ជំពាក់លុយមិនសង

បានផុស

៤ years មុន

នៅ

ថ្ងៃពុធ ២២ ធ្នូ ២០២១

ដោយ

អ្នកគាំទ្រនិងប្រើប្រាស់បណ្តាញសង្គមហ្វេសប៊ុកចាប់អារម្មណ៍ទៀតហើយ ខណៈដែលតារាសម្តែងស្រីអ្នកនាង សឿ សុធារ៉ា ត្រូវបាននារីម្នាក់បានបន្តទម្លាយទៀតថា តារាស្រីរូបនេះជំពាក់លុយមិនសង នឹងថែមទាំងមិនឆ្លើយតបឆាតទៀតផង។

ជាក់ស្តែងកាលពីថ្មីៗកន្លងទៅនេះ គេឃើញម្ចាស់គណនីហ្វេសប៊ុកឈ្មោះ Zhou Ling Ling បានប ង្ហោះថា ជួយគិតគួរលុយឲ្យខ្ញុំផងឆាតក៏មិនតប ជាតារាល្បីតែលក់ឈ្មោះខ្លួនឯងអញ្ចឹង បងលុយតិចសោះសងខ្ញុំមួយខែតិចក៏បាន តែឆាតមិនចូលមើលទៀត បងជាអាយដលរបស់ខ្ញុំមិនគួរណាបងចរិតចឹងសោះ។

ដោយឡែកកាលពីប៉ុន្មានថ្ងៃមុននេះ ប្រភពខាងលើបានបន្តបង្ហោះសារទៀតថា គេលេងតុងទីនព្រោះចង់ស៊ីការ។ ការមិនបានស៊ីហើយ ដើមក៏ឲ្យមិនគ្រប់ទៀត និយាយពីរោះណាស់មិនឲ្យបាត់មួយរៀលទេ។ ទុកពេលឲ្យបីខែហើយឆាតក៏មិនចូលមើល និយាយទៅអត់ខ្វល់ អាណាឆាតអីឆាតទៅអញអត់មើល អត់មានទំនួលខុសត្រូវ។ ប្រភពបានបន្ថែមទៀតថា លុយបន្តិចសោះអត់ដោះស្រាយឲ្យ ខ្ញុំផុសរាល់ថ្ងៃកុំគិតថា អ្នកឯងយកលុយគេស្រួលៗ។

សូមជម្រាបដែរថា បញ្ហាដ៏រសើបនេះ កំពុងធ្វើឲ្យមហាជនមានការភ្ញាក់ផ្អើលហើយចាប់អារម្មណ៍ថែមទៀតបន្ទាប់ពីកន្លងមក សឿ សុធារ៉ា ក៏ត្រូវបានអ្នកសិល្បៈដូចគ្នា គឺអ្នកនាង សូ ដានីតា ទម្លាយជុំវិញរឿងជំពាក់បំណុលជិត ៤ ម៉ឺនដុល្លារផងដែរ។ ទាក់ទងរឿងរ៉ាវដ៏រសើបខាងលើនេះ កម្ពុជាថ្មីនៅថ្ងៃទី ២២ ខែធ្នូ ឆ្នាំ ២០២១ នេះមិនទាន់អាចទាក់ទងដើ ម្បីសូមការបំភ្លឺពីអ្នកនាង សឿ សុធារ៉ា បាននៅឡើយទេ។ ខណៈមានមហាជនជាច្រើនរង់ចាំមើលការបកស្រាយរបស់តារាសម្តែងអ្នកនាង សឿ សុធារ៉ា ផងដែរ៕