នារីម្នាក់នៅ វៀតណាម មានមុខមាត់ស្រដៀងគ្នាខ្លាំងនឹងតួនាង ម៉ារីម៉ា

ជាធម្មតាទេ បុគ្គលល្បីៗត្រូវមនុស្សជាច្រើនចង់ធ្វើត្រាប់តាម ឬចម្លងស្ទីល និងប្រដូចទៅនឹងអ្នកនេះ ឬអ្ន​កនោះជាដើម។ តួយ៉ាងតារាស្រីហ្វីលីពីនអ្នកនាង Marian Rivera ឬទស្សនិកជនខ្មែរស្គាល់ថាជាតួ​នាង ម៉ារីម៉ា ​ជាមនុស្សម្នាក់ដែលទទួលបានការចាប់អារម្មណ៍ទាំងនៅលោកខាងលិច អាស៊ី ដូចជាសង្គមអនឡាញ ហើយត្រូវបានមហាជនប្រដូចជាមួយនឹងមនុស្សស្រីជាច្រើន។

ថ្មីៗនេះ ​គេរកឃើញម្ចាស់សាឡនមួយកន្លែងនៅប្រទេស វៀតណាម ​មានមុខមាត់ស្រដៀងទៅនឹងតារាស្រី Marian Rivera យ៉ាងខ្លាំង ​សឹងថាច្រឡំគ្នាបាន។ បច្ចុប្បន្នរូបថតរបស់នាងកំពុងផ្ទុះការចាប់អាមរម្មណ៍ និងមានភាពល្បីល្បាញក្នុងសង្គមអនឡាញ ខណៈឈ្មោះរបស់នាងគឺ Nguyen Tuy Xuan Mai ឬឈ្មោះហៅក្រៅថា Mai Ta។

ជួបជាមួយអ្នកសារព័ត៌មានវៀតណាម​ Mai Ta ផ្ដល់បទសម្ភាសន៍ថា ខ្លួននាងជាកូនកាត់ ដូច្នេះហើយទើបបានជាគេតែងតែហៅនាងថា Mai Ta។ ក្រៅពីមានអាជីពជាអ្នករកស៊ីបើកហាងថែរក្សាសម្រស់ នាងក៏ជាតារាម៉ូឌែលម្នាក់ផងដែរ។ ដោយ​សារ​តែ​សម្រស់​ស្រស់ស្អាត នាង​មាន​ឱកាស​ដើរបង្ហាញ​ម៉ូដ និង​ថត​ម៉ូដច្រើនគួរសម នៅក្នុងប្រទេស។

បន្ទាប់រូបថត Mai Ta បានចែកចាយលើបណ្ដាញសង្គម មនុស្ស​ជា​ច្រើន​បាន​បញ្ចេញ​មតិ​ថា នាងមាន​ច្រមុះ​ខ្ពស់ និងទម្រង់​មុខ​​ស្រដៀង​នឹងតារាសម្ដែង Marian Rivera ជាពិសេសគឺកែវភ្នែក និងស្នាមញញឹមតែម្ដង។ ចំណែកអ្នកខ្លះថា នាងមើលទៅដូចប្អូនស្រី ​ម៉ារីម៉ា ​អ៊ីចឹង ខណៈខ្លះទៀតថា មុខមាត់របស់ Mai Ta មិនដូច Marian វាគ្រាន់តែជាការចម្លងស្ទីលតាមប៉ុណ្ណោះ។

ចំពោះប្រិយមិត្ត តើយល់យ៉ាងណាដែរ?

ប្រែសម្រួល៖ ​សន្យា

ចុចអាន៖ Bella បង្ហោះឃ្លិបរាំសប្បាយក្នុង Tiktok ប៉ុន្មាន​នាទីសោះ អាចទាញអ្នកមើលរាប់លាននាក់

ចុចអាន៖ រូបថតកាលពីក្មេងរបស់តារាស្រីចិន ៥រូប កំពុងល្បីល្បាញលើបណ្ដាញសង្គម