ជីវិតកម្សាន្ដ

តារាចម្រៀងស្រី ៥ ដួង នៅតែរក្សាតំណែងឈរលំដាប់កំពូលមិនថមថយ

បានផុស

៣ years មុន

នៅ

ថ្ងៃព្រហស្បតិ៍ ២៤ មីនា ២០២២

ដោយ

ទស្សនិកជនអ្នកគាំទ្រពិសេសមិត្តៗយុវវ័យ និងអ្នកនិយមតាមដានលើវិស័យសិល្បៈចម្រៀងខ្មែរប្រាកដជាបានដឹង និងស្គាល់ច្បាស់ហើយអំពីតារាចម្រៀងស្រីលំដាប់កំពូល ដែលកំពុងទទួលបានការគាំទ្រពីសំណាក់មហាជនជាច្រើនទាំងក្នុងស្រុក និងក្រៅស្រុក។

ជាការពិតរហូតមកទល់ពេលបច្ចុប្បន្នគេសង្កេតឃើញថា សម្រាប់តារាស្រីរបស់ខ្មែរប៉ុន្មានដួងនេះ នៅតែរក្សាប្រជាប្រិយភាព និងស្ថិតនៅក្នុងតារាងកំពូលតារាចម្រៀងឈរលំដាប់ជួរមុខដែលមិនទាន់ឃើញមានតារារូបណាមកជំនួសតំណែងពួកគេនៅឡើយទេ។ ចំពោះតារាស្រីលំដាប់កំពូលរបស់ប្រទេសកម្ពុជា ដែលទទួលបានការគាំទ្រមិនអន់ថយរហូតដល់បច្ចុប្បន្ននោះរួមមាន,

១. អ្នកនាង ឱក សុគន្ធកញ្ញា ត្រូវបានអ្នកគាំទ្រចាត់ ទុកថាជាតារាចម្រៀងស្រីលំដាប់កំពូល ឬតួឯកប្រ ចាំផលិតកម្មហង្សមាស ខណៈសន្ទុះប្រជាប្រិយភាព និងទីផ្សារច្រៀងនៅតែរក្សាបានដូចដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. តារាចម្រៀងអ្នកនាង មាស សុខសោភា ថ្វីត្បិតតែបច្ចុប្បន្ននាងចាក់ចេញពីទ្រនំចាស់ហក់ចូលផ លិតកម្មថ្មី(រាម)មានរយៈពេល ១ ឆ្នាំហើយពិតមែន តែសម្រាប់ទីផ្សារគាំទ្រ និងកេរ្តិ៍ឈ្មោះល្បីរបស់នាងនៅតែដក់ជាប់ក្នុងអារម្មណ៍ទស្សនិកជនមិនអន់ថយឡើយ។

៣. តារាចម្រៀង ពេជ្រ សោភា គឺមិនខុសគ្នានឹងតារាចម្រៀងផ្សេងដែរ នាងក៏ត្រូវបានទស្សនិកជន និងអ្នកគាំទ្រចាត់ទុកថា ជាតារាលំដាប់ជួរមុខរបស់ផលិតកម្មហង្សមាសផងដែរ។

៤. អ្នកនាង សុគន្ធ និសា ក៏ត្រូវបានគេមើលឃើញថា នាងក៏ជាតារាចម្រៀងស្រី ដែលមានទឹកដមសំនៀងស្រទន់មានមនោសញ្ចេតនាផងដែរ។ សុគន្ធ និ សា ក៏ជាតារាស្រីស្ថិតក្នុងចំណោមតារាលំដាប់ជួរមុខផងដែរ។

៥ . តារាចម្រៀងមកពីផលិតកម្មសាន់ដេ កញ្ញា សុខ ពិសី ក៏ត្រូវបានគេយល់ថា នាងមិនត្រឹមតែជាតារាស្រីស្ថិតក្នុងកម្រិតកំពូលនោះទេ គឺថែមទាំងជាគ្រាប់ពេជ្ររបស់សាន់ដេទៀតផង។

សូមជម្រាបថា តារាស្រីទាំង ៥ ដួងខាងលើ បានសាងស្នាដៃលើវិថីមួយនេះ មកដោយលំបាកអស់ជាច្រើនឆ្នាំទម្រាំធ្វើឲ្យមហាជនគ្រប់ស្រទាប់ស្គាល់ និងគាំទ្រពេញចិត្តបាន។ ក្នុងចំណោមតារាចម្រៀងស្រី ៥ ដួងខាងលើ គឺអ្នកខ្លះក៏បានរៀបការមានស្វាមីរួចហើយដែរ៕

អត្ថបទ៖ ចាន់រ៉ា