ជីវិតកម្សាន្ដ

ត្រៀមខ្លួនហើយនៅ? ឱក សុគន្ធកញ្ញា ប្រកាសបញ្ចេញបទចង្វាក់ប្រពៃណីអបអរឆ្នាំថ្មី

បានផុស

២ years មុន

នៅ

ថ្ងៃចន្ទ ៤ មេសា ២០២២

ដោយ

កំពូលតារាចម្រៀងអ្នកនាង ឱក សុគន្ធកញ្ញា កាន់តែកៀកចូលមកជិតដល់នៃពិធីបុណ្យចូលឆ្នាំថ្មីប្រពៃណីជាតិខ្មែរខាងមុខឆាប់ៗនេះ នាងបង្ហើបថាខ្លួនមានបទចម្រៀងចង្វាក់ប្រពៃណី ដើម្បីអបអរ និងស្វាគមន៍ឆ្នាំថ្មីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនខុសគ្នាពីអ្នកនាង ឱក សុគន្ធកញ្ញា ទេស្របពេលនេះដែរ គេក៏កត់សម្គាល់ឃើញកំពុងមានការរៀបចំពិធីសង្ក្រាន ដើម្បីអបអរទទួលឆ្នាំថ្មីយ៉ាងផុសផុលនៅតាមបណ្តាខេត្ត និងរាជធានីជាដើម។ យ៉ាងណាមិញអ្នកនាង ឱក សុគន្ធកញ្ញា ក៏បានលើកឡើងមុននេះថា ចូលឆ្នាំប្រពៃណីជាតិខ្មែរយើងកាន់តែកៀកជិតចូលមកដល់ហើយ ពុកម៉ែបងប្អូនមានគម្រោងទៅណាខ្លះហើយ?។

តារាចម្រៀងស្រីជួរមុខរបស់ផលិតកម្មហង្សមាសរូបនេះបន្តថា មានផ្ទះម៉ាក់ក្មេកឲ្យទៅនឹងគេនៅ? អេតមីនសួរតែបម្រាបហាមសួរអេតមីនវិញ។ តែយ៉ាងណាកុំភ្លេចរង់ចាំបទថ្មី ចង្វាក់ប្រពៃណីនិងមកដល់ឆាប់ៗនេះ។ តាមរយៈការបង្ហើបនេះ គេឃើញអ្នកគាំទ្រជាច្រើនកំពុងទន្ទឹងរង់ចាំគ្រប់គ្នានូវបទចម្រៀងរបស់កញ្ញាអាចនឹងមានប៉ុន្មានបទក្នុងឆ្នាំនេះ។

ជាការពិតណាស់ពិធីបុណ្យចូលឆ្នាំថ្មីប្រពៃណីជាតិខ្មែរ ដែលឈានចូលមកដល់នាពាក់កណ្តាលខែមេសា ឆ្នាំ ២០២២ នេះ គេសង្កេតឃើញនៅតាមបណ្តាខេត្ត ស្រុក ភូមិ និងទីវត្តអារាមឬកន្លែងទីរមណីយដ្ឋាននានានៅទូទាំងប្រទេសកម្ពុជា បានត្រៀមរួចជាស្រេច ដើម្បីចូលរួមអបអរ និងស្វាគមន៍ឆ្នាំថ្មីឆាប់ៗខាង មុខនេះ៕

អត្ថបទ៖ ចាន់រ៉ា