Connect with us

ជីវិតកម្សាន្ដ

James Jirayu តារាសម្ដែងមុខស្រទន់ និងមានទេពកោសល្យខ្ពស់ តាំងពីមិនទាន់ចូលសិល្បៈ

បានផុស

នៅ

មានឈ្មោះពិតថា Jirayu Tangsrisuk កើតថ្ងៃទី ១៩ ខែកញ្ញា ឆ្នាំ ១៩៩៣ និងមានឈ្មោះក្នុងវិថីសិល្បៈ James Jirayu ជាតារាសម្តែង តារាចម្រៀង និងតារាម៉ូដែលថៃ។ តារារូបនេះ​ ​ត្រូវបានគេស្គាល់​តាម​រយៈ​តួនាទី នៅក្នុងខ្សែភាពយន្ត និងរឿងភាគទូរទស្សន៍ជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជីវិតដំបូង Jirayu កើតនៅ Phichit ប្រទេសថៃ។ លោក​គឺជាកូនពៅរបស់ Sermchai Tangsrisuk និង Shotika Tangsrisuk និង​មានបងស្រីម្នាក់គឺ​វេជ្ជបណ្ឌិត Jularat Tangsrisuk ។ ឪពុកម្ដាយ​របស់​លោក​បាន​ដាក់​រហស្ស​ថា “James” តាម​ខ្សែភាពយន្តរឿង James Bond។ បន្ទាប់ពីបាន​បញ្ចប់​ថ្នាក់​អនុវិទ្យាល័យ ​ពី​សាលា​មត្តេយ្យ Wachira លោកបានចូលរៀននៅវិទ្យាល័យ​នៅ​សាលា Phichit Phitthakhom ។ លោក​បានបញ្ចប់ថ្នាក់ទី ៣ ដែលមានន័យថា មានតម្លៃស្មើងារជា​សេនាធិការ។ បន្ទាប់ពី​រៀនចប់វិទ្យាល័យ លោក​បានបន្តការសិក្សានៅមហាវិទ្យាល័យ​ទំនាក់ទំនង​សិល្បៈ​នៃសាកលវិទ្យាល័យ Rangsit ក្នុង​វិស័យ​ផ្សព្វផ្សាយ​វិទ្យុ និង​ទូរទស្សន៍។

ក្រោយមកក្នុងឆ្នាំ ២០១៣ លោក​​ទទួលអាហារូបករណ៍ The Artist ​ហើយ​ប្តូរទៅ​សិក្សា​នៅ​មហាវិទ្យាល័យ​គ្រប់គ្រង​ពាណិជ្ជកម្ម ដោយ​ជំនាញ​ផ្នែក​គ្រប់គ្រង​ពាណិជ្ជកម្ម​លក់​រាយ ​រហូត​ដល់​បញ្ចប់​ការសិក្សា​ នៅ​ខែធ្នូ ឆ្នាំ ២០១៧។

James Jirayu បានរៀនពីរបៀបរាំ និងច្រៀងតាំងពីក្មេង ហើយគាត់ថែមទាំងមាន​ក្រុមតន្ត្រីផ្ទាល់ខ្លួន​ផង​ដែរ ដែលគាត់បាន​លេង​ហ្គីតា ​និង​បាសកាលពីវិទ្យាល័យ។ ក្នុងឆ្នាំ ២០១១ គាត់បាន​ឈ្នះ​ការ​ប្រលង​ម៉ូដែល​ ដែលរៀបចំ​ដោយម៉ាកគ្រឿងសំអាង Mistine ហើយ​បាន​ចាប់ផ្តើម​អាជីព​ជា​តារា​ម៉ូដែល។ ក្នុងកិច្ចសម្ភាសន៍ជាច្រើន លោកបាន​និយាយថា ដោយសារ​តែ​លោក​ជា​ក្មេង​ខ្មាសអៀន លោកមិនដែលចង់ធ្វើជា​តារា​សម្តែង ឬជា​តារា​ភាពយន្ត​ពីមុនមកទេ ប៉ុន្តែ​ម្ដាយ​របស់​លោកចង់ឲ្យ​លោក​ក្លាយ​ជាតារា។ ប៉ុន្តែ​លោកមាន​ចំណាប់​អារម្មណ៍​លើកុំព្យូទ័រ ជាពិសេស​ហ្គេម​កុំព្យូទ័រ ហើយ​ចង់សិក្សា និង​ធ្វើការ​ក្នុង​ផ្នែក​វិទ្យាសាស្ត្រ​កុំព្យូទ័រ ឬ​ព័ត៌មានវិទ្យា (IT) សម្រាប់​អាជីពនា​ពេល​អនាគត​។

នៅខែមេសា ឆ្នាំ ២០១២ លោក Charnchalard Dhaweesap ម្ចាស់ទីភ្នាក់ងារ​កម្សាន្ត​មួយឈ្មោះថា “Meta Talent Management” បានឃើញរូបថតរបស់ James នៅលើ Facebook និងបាន​ស្វែងរកហើយ Jame ហើយចាប់ផ្តើម​អាជីពរបស់ខ្លួ​​ន នៅក្នុងឧស្សាហកម្មកម្សាន្ត​ក្រោមការ​គ្រប់គ្រង​របស់ Charnchalard ។ យ៉ាងណាមិញ កិច្ចសន្យាការងារជាមួយ​អ្នក​គ្រប់គ្រង Chanchalard បាន​ផុតកំណត់ ប៉ុន្តែជំនួយការរបស់ Charnchalard នៅតែមើលថែគាត់ និង​ជួយ​ក្នុង​ការរៀបចំ​កាលវិភាគ​រឿង​ភាគ ការផ្សាយពាណិជ្ជកម្ម និង ព្រឹត្តិការណ៍។

អាជីព James Jirayu បង្ហាញខ្លួនជាលើកដំបូង និងក្លាយជាតារាបន្ទាប់ពីសម្តែងក្នុងរឿង Suparpburut Juthathep: Khun Chai Phuttipat ដែលចាក់ផ្សាយនៅខែឧសភា ឆ្នាំ ២០១៣។ ក្នុងខែកញ្ញា គាត់បាន​សម្តែង ម្ដងទៀត​នៅក្នុងខ្សែ​ភាពយន្ត​មួយ​ដែលមានឈ្មោះថា First Love និងរឿងពីរ​ផ្សេងទៀត​គឺរឿង Thong Neu Gaoនិង Ruk Sudrit ។ ក្នុង​រយៈពេល​តែ​មួយ​ឆ្នាំ James បាន​ក្លាយ​ជា​ពិធីករ/តារា​សម្ដែង​ដែល​ត្រូវ​បាន​គេ​ស្វែង​រក​ច្រើនបំផុត​ក្នុង​ប្រទេស​ថៃ។

នៅថ្ងៃទី ១៣ ខែមករា ឆ្នាំ ២០១៦ រឿងទីពីររបស់លោក​ជាមួយ Ranee Campen គឺ “Padiwaradda ឬជាភាសាខ្មែរថា “ឧត្តមភរិយា” បានចាក់ផ្សាយ នៅក្នុងខែដដែល និង​បានចាក់ផ្សាយ​ក្នុង​កម្មវិធីទូរទស្សន៍ Tabi Japan។ ទន្ទឹមនោះ ​រឿង”ឧត្តមភរិយា” ក៏បានមានវត្តមាននៅ​កម្ពុជា ​ពេលនោះ​ហើយ​ ដែល​លោកបាន​បង្ហាញខ្លួន​ជា​លើកដំបូងនៅ​ប្រទេស​កម្ពុជា។ ក្នុងឆ្នាំ ២០១៧ James បានជាប់ចំណាត់ថ្នាក់លេខ៣ នៅលើបញ្ជីតារាសម្ដែង​ដែល​រក​ចំណូល​បាន​ច្រើន​ជាង​គេទាំង ១០នៅប្រទេសថៃ។ នៅក្នុងខែមីនា រឿងដំបូងរបស់លោកជាមួយ Kimberley មាន​ចំណងជើង​ថា Buang Hong បានចាក់ផ្សាយដូចគ្នា ហើយក៏មានភាពល្បីល្បាញមិនចាញ់រឿងមុនៗដែរ។ នៅថ្ងៃទី ១៩ ខែឧសភា ឆ្នាំ ២០១៧ លោកបាន​ក្លាយ​ជា​​ទូត​សុច្ឆន្ទៈ​សម្រាប់ខួបលើកទី១៣០ នៃទំនាក់ទំនងការទូតរវាង​ប្រទេសថៃ និង​ជប៉ុន ដោយសារតែមុខស្រទន់ ញញឹមមានមន្តស្នេហ៍។

ទ្រព្យសម្បត្តិ​របស់ James Jirayu យោងតាមប្រភពនានាតាមអ៊ីនធឺណិតបង្ហាញថា​ James មាន​ទ្រព្យសម្បត្តិ​សុទ្ធ​ប្រហែល ១ លានដុល្លារ ទៅ ៥ លានដុល្លារក្នុងឆ្នាំ ២០២២។ ប្រភព​ចម្បង​នៃ​ការ​រក​ប្រាក់​របស់ James Jirayu គឺបាន​មកពី​​អាជីព​ជា​តារាទូរទស្សន៍ និងជា​តារា​ភាពយន្ត ម៉ូដែល ឧស្សាហកម្ម​ និងពាណិជ្ជកម្ម​ផ្សេងៗ៕

ប្រែសម្រួល៖ សាង ស្រីល័ក្ខ

ចុចអាន៖តារាស្រី ថៃ ៥ រូប ជាប់ឈ្មោះមានទេពកោសល្យសម្ដែងមិនធម្មតា ក្នុងកម្មវិធីពានរង្វាន់មួយ

ចុចអាន៖គូស្នេហ៍តារា ថៃ ២ គូ នេះ ស្រលាញ់គ្នារាប់ឆ្នាំ តែបែរប្រកាសប្រេះឆាស្នេហា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

តើ​មាន​សមិទ្ធផល​សំខាន់ៗ​អ្វីខ្លះ បាន​កើតឡើង​ក្នុង​រយៈពេល​៥៥ ឆ្នាំ នៃ​ទំនាក់ទំនង​ការទូត​រវាង​កម្ពុជា និង​វៀតណាម ?

KPT+៩ ម៉ោង មុន

ប្រឡូកសិល្បៈ១៤ឆ្នាំ គ្មានអ្នកនឹកស្មានថា Ariana Grande ទទួលបានសមិទ្ធផលច្រើនដល់ម្លឹង

ព័ត៌មានជាតិ៩ ម៉ោង មុន

សម្តេច​តេ​ជោ ហ៊ុន សែន​៖ កម្ពុជា​នៅតែ​ប្រឈម​គួរឱ្យ​ព្រួយបារម្ភ​ពី​ការប៉ុនប៉ង ផលិត កែច្នៃ និង​ប្រើប្រាស់​គ្រឿងញៀន

ព័ត៌មានជាតិ១០ ម៉ោង មុន

សម្តេច​តេ​ជោ ហ៊ុន សែន សម្រេចយក​ដំណឹង​អំពី​មរណភាព​របស់​សម្តេច​ឧ​ត្ត​ម​ទេព​ញាណ ហ៊ុន ណេង ប្រាប់​បងប្រុស

កីឡា១០ ម៉ោង មុន

វិសាខា ស៊ុត​២១​ជើង រហូត​បាន​យកឈ្នះ​ក្រុម​របស់​ហ្វីលីពីន Kaya ក្នុង​ប្រកួត​ដំបូង AFC Cup

Sokha Hotels

ព័ត៌មានពេញនិយម