ជីវិតកម្សាន្ដ

តស៊ូពីអ្នកចម្រៀងតាមបៀរហ្គាឌិន ដួង វីរៈសិទ្ធ ក្លាយជាតារាល្បីពេញដោយទេពកោសល្យ

បានផុស

៣ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

ដួង វីរៈសិទ្ធ តារាចម្រៀងរូបសង្ហា ដែលទស្សនិកជនស្គាល់តាមរយៈបទចម្រៀងជាច្រើន ពិសេសនោះនៅពេលលោក Cover បទមរតដើមបូករួមជាមួយសំឡេងដ៏ស្រទន់ធ្វើអ្នកស្ដាប់ដកចិត្តមិនរួច តើលោកមានខ្សែជីវិតយ៉ាងដូចម្ដេចខ្លះ មុនក្លាយជាតារាចម្រៀងល្បី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងអាយុ ២៧ ឆ្នាំ លោក ដួង វីរៈសិទ្ធ បានកើតនៅទីក្រុងភ្នំពេញ ប៉ុន្តែគ្រួសារក៏បានផ្លាស់ប្ដូរទីលំនៅទៅខេត្តកំពតវិញ ព្រោះឪពុកម្ដាយរបស់លោកបានទៅធ្វើការរកស៊ីនៅទីនោះ។ ដោយសារជីវភាពមានការខ្វះខាត និងចង់សម្រាលបន្ទុកគ្រួសារ ក្រោយឪពុកម្ដាយបែកបាក់គ្នា វីរៈសិទ្ធ ក៏បានមកបន្ដការសិក្សាថ្នាក់ទី ៩ នៅទីក្រុងភ្នំពេញ និងព្រមទាំងរកការងារធ្វើបន្ថែម ក៏ព្រោះចង់ជួយអ្នកម្ដាយ យប់ឡើងលោកក៏បានទៅច្រៀងនៅតាមបៀរហ្គាឌែន ដើម្បីដោះស្រាយថ្លៃសិក្សា និងខ្លះទៀតជួយគ្រួសារ។

ជាភ័ព្វសំណាងនៅ ឆ្នាំ ២០១០ ដួង វីរៈសិទ្ធ ក៏មានឱកាសក្លាយជាតារាចម្រៀងប្រចាំផលិតកម្ម មហាហង្ស បានចេញបទចម្រៀង ៣ បទមាន “ក្ដីសុខបងមិនមែនជាក្ដីសុខពិត”, “ជីវិតក្រោមព្យុះភ្លៀង”, “លេខគេការ៉េបួន” ដែលផ្ទុះការគាំទ្រជាខ្លាំង និងការកោតសរសើរពីទឹកដមសំឡេងរបស់លោក។ ក្រោយរួមរស់ជាមួយផលិតកម្មមហាហង្ស អស់រយៈពេល ៣ ឆ្នាំ វីរៈសិទ្ធ ក៏បានចុះកុងត្រានៅផលិតកម្ម Phleng Records ដែលស្ថិតនៅក្រោមហង្សមាស ហើយបទចម្រៀងដំបូងរបស់លោកបានផ្ទុះសារជាថ្មីម្ដងទៀត គឺ “បងអន់ថែអូនមិនបានយូរ” និង”ឲ្យគេមកថែអូន” ។

នៅឆ្នាំ ២០១៦ លោក ដួង វីរៈសិទ្ធ ក៏បានចូលរួមប្រកួតកម្មវិធីលំដាប់ពិភពលោក គឺ I Am a Singer Cambodia ដែលលោកទួលបានជយលាភីលេខ ១។ បន្ទាប់ពីប្រលងចប់ វីរៈសិទ្ធ ហាក់មិនសូវមានសកម្មភាពផ្សេងៗ ស្រាប់តែនៅថ្ងៃទី ១៩ ខែកុម្ភៈ ឆ្នាំ ២០២១ លោកក៏បានចុះកិច្ចកុងត្រាជាមួយរាម ស្របពេលការបើកសម្ពោធផលិតកម្ម ហើយលោកក៏បានចេញចម្រៀង”ឆ្នេរអនុស្សារ” ជាបទដំបូងរបស់ខ្លួនផងដែរ ដែលគិតមកដល់ពេលនេះមានអ្នកចូលមើលរហូតដល់ ៦.១ លានអ្នក។