កាលពីប៉ុន្មានថ្ងៃមុន បណ្ដាញផ្សព្វផ្សាយព័ត៌មានថៃ ផ្ទុះល្បីរឿងតារាប្រុស Ananda Everingham លុតជង្គង់សុំមិត្តស្រីរៀបការក្រោមភ្លៀងរលឹមយ៉ាងផ្អែមល្ហែម ធ្វើឱ្យសាធារណជនលួចច្រណែនសឹងគ្រប់គ្នា។

ទន្ទឹមនឹងគ្នាដែរ ព័ត៌មានចចាមអារ៉ាមមួយចំនួននិយាយថា Ananda សុំ Nat Nicha ដែលជាមិត្តស្រីរៀបការ ដោយសារនាងជាកូនចៅអ្នកជំនួញធំនៅក្នុងប្រទេស ពេលនេះ Nat Nicha បានចេញមុខមកបកស្រាយច្បាស់ ស្រាយមន្ទិលអ្នកគាំទ្រហើយ។

នៅលើបណ្ដាញសង្គមរបស់ Nat Nicha នាងបានសរសេរបង្ហោះថា នាងសូមចេញមុខមកបកស្រាយពីប្រវត្តិផ្ទាល់ខ្លួនរបស់នាង ដោយសារសាធារណជនមួយចំនួនមានការយល់ច្រឡំថា នាងគឺជាអ្នកស្នងមរតករបស់យីហោខោអាវទ្រនាប់ដ៏ល្បីល្បាញលំដាប់ប្រទេស។​ តាមពិត Nicha ជាប់សែស្រឡាយអ្នកជំនួញពិតមែន ប៉ុន្តែនាង​មិន​ពាក់ព័ន្ធ​នឹង​ការអាជីវកម្មធំ​នេះឡើយ ហើយនាងក៏មិនមែនជាអ្នកស្នងមរតកអ្វីដែរ។

ក្រោយសាមីចេញមុខបកស្រាយបែបនេះ អ្នកគាំទ្រអស់ការមន្ទិលលើអ្នកទាំងពីរ ហើយសង្ឃឹមថាពួកគេនឹងជួបសុភមង្គល ក្រោយរើសផ្លូវរួមគ្នា៕

ប្រែសម្រួល៖ សន្យា

ចុចអាន៖ ដើរម៉ូដមួយឈុតនេះ Pancake ត្រូវអ្នកគាំទ្រសរសើរថាស្អាតខ្លាំង​