ជីវិតកម្សាន្ដ

DJ Soda សម្ដែងចង់កក្រើកឆាក តែទស្សនិកជនឈរស្ងៀមដូចកំពុងស្ដាប់សុន្ទរកថា (មានវីដេអូ)

បានផុស

២ ខែ មុន

នៅ

ថ្ងៃសុក្រ ១៦ កញ្ញា ២០២២

ដោយ

នៅក្នុងវីដេអូឃ្លិបមួយ ដែលបង្ហាញពី DJ Soda កំពុងតែធ្វើការប្រគំតន្ត្រីលើឆាកយ៉ាងសប្បាយរីករាយ ខណៈមនុស្សចូលរួមបែរនៅស្ងៀមទ្រឹង ដូចកំពុងស្តាប់សុន្ទរកថា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះវាក៏បានក្លាយជាវីដេអូឃ្លិបដែលមានអ្នកចូលមើលរាប់លានដង ពីសំណាក់អ្នកនិយមលេងអ៊ីនធឺណិតទូទាំងពិភពលោក បន្ទាប់ពីទំព័រហ្វេសប៊ុក Sarawak Aritok 2 បានបង្ហោះវីដេអូពីពិធីបុណ្យ Borneo Music Festival Live 2022 ដែលធ្វើឡើងនៅ Sarawak លើកោះ Borneo ប្រទេសម៉ាឡេស៊ី កាលពីចុងសប្ដាហ៍។

នៅក្នុងវីដេអូឃ្លិបនោះ បង្ហាញពី DJ Soda ដែលជាឌីជេស្រីសិចស៊ី និងជាចំណុចលេចធ្លោមួយក្នុងពិធីបុណ្យឆ្នាំនេះ។ ប៉ុន្តែជំនួសឲ្យទស្សនិកជនរីករាយនឹងការសម្ដែងនោះ លោត និងរាំតាមតន្ត្រីដែល DJ Soda កំពុងប្រគំ។ ផ្ទុយទៅវិញ បង្ហាញថា អ្នកមើលភាគច្រើនកំពុងឈរស្ងៀម ហើយហាក់មិនចាប់អារម្មណ៍នឹងការសម្ដែងរបស់តារាល្បីមកពីកូរ៉េខាងត្បូងនេះទេ។

យ៉ាងណាមិញ ក្រោយឃ្លិបនោះបានបង្ហោះ ក៏មានអ្នកចូលមើលរហូតដល់ ១.២លានដង ហើយមហាជនជាច្រើន ដែលជាហ្វេនរបស់ DJ Soda ក៏ចូលមកបញ្ចេញមតិយោបល់ដូចៗគ្នាថា ពួកគេពិតជាភ្ញាក់ផ្អើល ចំពោះប្រតិកម្មរបស់ហ្វូងមនុស្ស ដែលពេញមុខឆាក រួមទាំងការសម្ដែងលើឆាករបស់ DJ Soda ផងដែរ។ ប៉ុន្តែទស្សនិកជននៅស្ងៀមទ្រឹង រហូតអ្នកលេងអ៊ីនធឺណិតសួរថា តើបងប្អូននៅទីនោះ មកដើម្បីស្ដាប់ការថ្លែងរបស់អ្នកនយោបាយឬអត់?

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖ប៉ោមខ្មៅដែល Lisa កាន់ក្នុងបទ “Pink Venom” គឺជាផ្លែពិត ឯតម្លៃថ្លៃមិនធម្មតា