ជីវិតកម្សាន្ដ

ប៉ោមខ្មៅដែល Lisa កាន់ក្នុងបទ “Pink Venom” គឺជាផ្លែពិត ឯតម្លៃថ្លៃមិនធម្មតា

បានផុស

៤ years មុន

នៅ

ថ្ងៃសុក្រ ១៦ កញ្ញា ២០២២

ដោយ

“Pink Venom” របស់ក្រុម BLACKPINK ជាបទចម្រៀងដែលពេញនិយមក្នុងអំឡុងពេលនេះ បន្ទាប់ពីចេញបានជិតមួយខែមក ឃើញថាមានអ្នកចូលមើលដល់ទៅជាង ២០០លានដង ហើយបច្ចុប្បន្នកំពុងជាប់ចំណាត់ថ្នាក់លេខ ៥ នៅលើ YouTube ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត តារាស្រីៗរបស់ក្រុម BLACKPINK ត្រូវបានគេចាត់ទុកថា ជាអ្នកមានឥទ្ធិពលលើម៉ូដ ការតុបតែងខ្លួន ការស្លៀកពាក់ និងធាតុនៅក្នុង MV ក៏ត្រូវបានលើកឡើងដូចគ្នា។ ទន្ទឹមនោះដែរ មនុស្សជាច្រើនងាកមកចាប់អារម្មណ៍ ផ្លែប៉ោមខ្មៅដែល Lisa បានថតក្នុង MV ដំបូង ហើយគ្រប់គ្នាយល់ថា វាជាផ្លែប៉ោមពណ៌បៃតង ឬក្រហមដែលគេឃើញជាទូទៅគេយកមកច្នៃជាពណ៌ខ្មៅនោះទេ។

យ៉ាងណាមិញ នៅពេលគ្រប់គ្នាចូលទៅស្វែងរកព័ត៌មានបន្ថែមទើបរកឃើញ តាមការពិតវាជាផ្លែប៉ោមខ្មៅ មានឈ្មោះថា “Black Diamond” ឬគេស្គាល់ក្នុងស្រុកថា “Scorpion Apple” ផ្លែប៉ោមនេះ អាចដាំដុះបានតែនៅតំបន់ខ្ពង់រាប៣,៥០០ម៉ែត្រពីលើនីវ៉ូទឹកសមុទ្រ នៃតំបន់ស្វយ័តទីបេនៃទីក្រុង Nyingchi ។

លក្ខណៈពិសេសប្លែកនៃផ្លែប៉ោមខ្មៅ គឺផ្អែមដូចទឹកឃ្មុំ។ ដោយសារតែមាតិកាជាតិគ្លុយកូសរបស់វាខ្ពស់ជាងពូជផ្លែប៉ោមដទៃទៀត ផ្លែប៉ោមខ្មៅជាមធ្យមមានត្រឹមតែ២ ទៅ ៣ ឆ្នាំប៉ុណ្ណោះ ហើយរយៈពេលវែងបំផុតគឺ ៥ ឆ្នាំ ដែលនាំឲ្យការផលិតផ្លែប៉ោមខ្មៅមានកម្រិត។ ម្យ៉ាងទៀត មានតែ ៣០ភាគរយ ប៉ុណ្ណោះ ទិន្នផលពេញលេញអាចឆ្លងកាត់ស្តង់ដារ។ ការបន្ថែមទាំងនេះ នាំឲ្យតម្លៃផ្លែប៉ោមខ្មៅ ថ្លៃ រហូតដល់ ២០ ដុល្លារ ក្នុងមួយផ្លែ៕

ប្រែសម្រួល៖ សាង ស្រីល័ក្ខ

ចុចអាន៖អតីតសមាជិក 2NE1 ម្នាក់ ទម្លាយអារម្មណ៍ពិត ក្រោយក្រុមរំសាយចោល (មានវីដេអូ)