អ្នកគាំទ្រសង្ស័យ សុតធីតា ប៉ូគីមថេង និង ឡៅ បញ្ញា កំពុងមានទំនាក់ទំនងលើសពីមិត្តភាព

អ្នកគាំទ្រវិស័យប្រកួតសម្រស់កម្ពុជា ដាក់ការសង្ស័យ អតីត Miss Grand Cambodia ២០២១ កញ្ញា សុតធីតា ប៉ូគីមថេង និងលោក ឡៅ បញ្ញា Mister Supranational Cambodia ២០២២ កំពុងមានទំនាក់ទំនងលើសពីមិត្តភាព។

មួយរយៈចុងក្រោយនេះ គេសង្កេតឃើញថា កញ្ញា សុតធីតា ប៉ូគីមថេង និងលោក ឡៅ បញ្ញា តែងតែមានការងារជាមួយគ្នាជារឿយៗមិនថា នៅក្នុងក្រុមហ៊ុនមហាហង្សផ្ទាល់ ឬការងារខាងក្រៅនោះទេ។ ដោយសារតែភាពស្និទ្ធស្នាល មានអ្នកគាំទ្រជាច្រើនតែងតែចង់ឃើញអ្នកទាំងពីរក្លាយទៅជាគូស្នេហ៍ពិតប្រាកដ។

ដោយឡែក វីដេអូមួយបាននិងកំពុងធ្វើឲ្យអ្នកគាំទ្រជាច្រើនកាន់តែប្រាកដចិត្តថា សុតធីតា ប៉ូគីមថេង និង ឡៅ បញ្ញា កំពុងមានទំនាក់ទំនងលើសពីមិត្តភក្ដិរួមក្រុមហ៊ុន។ តាមរយៈវីដេអូដែល Mister Supranational Cambodia ២០២២ បង្ហោះក្នុង TikTok ផ្ទាល់ខ្លួន នៅថ្ងៃខួបកំណើតរបស់លោក ដោយភ្ជាប់ជាមួយពាក្យពេចន៍ថា ” Happy birthday to me, Sothida Pokimtheng Thank you so much my queen for your surprise ”។ លើសពីនេះ ក្នុងវីដេអូក៏បានបង្ហាញពីភាពផ្អែមល្ហែមដូចជាគូស្នេហ៍ ដែលលោក ឡៅ បញ្ញា បានទាញកញ្ញា សុតធីតា ប៉ូគីមថេង មកឱបហើយថើបផងដែរ។

តែបើទោះបីជាយ៉ាងណា ម្ចាស់សាមីខ្លួនទាំង ២ នៅមិនទាន់មានអ្នកណាប្រកាសជាផ្លូវការនៅឡើយទេថា ពួកគេជាគូស្នេហ៍នឹងគ្នា៕

អត្ថបទ៖ ផានិត