Connect with us

ជីវិតកម្សាន្ដ

អ៊ុន សិទ្ធា ពន្លះយ៉ាងចាស់ដៃលើម្ចាស់ផលិតកម្មមួយចំនួន ខណៈស៊ីដាច់លុយតារាភេទទី៣ម្នាក់ដែលឈឺធ្ងន់រហូតស្លាប់

បានផុស

នៅ

ទស្សនិកជនបានសម្តែងនូវការសោកស្តាមយនិងរន្ធត់ចិត្តជាពន់ពេកក្រោយទទួលដំណឹងមរណភាពរបស់តារាសម្តែង​ភេទ​ទី៣ ឈ្មោះ មុន្នី​រក្សា ហៅ​​ ចូ​ចូ ទាំងវ័យក្មេងដោយសារជំងឺធ្ងន់ធ្ងរមិនអាចសង្គ្រោះជីវិតបានឡើយ។

ទន្ទឹមគ្នានៃការស្លាប់របស់តារាសម្តែងភេទទី៣ ចូចូ ទើបបានរយ:ពេលប្រមាណ២ថ្ងៃនេះស្រាប់តែកើតមានរឿងរ៉ាវដ៏ហួសចិត្តជាបន្តបន្ទាប់ក្រោយមានដំណឹងថា មានម្ចាស់ផលិតកម្មមួយចំនួនបានស៊ីដាច់លុយតារាសម្តែងភេទទី៣រូបនេះដោយគ្មានធម៌មេត្តា។ ជាក់ស្តែងតារាប្រុសលោក អ៊ុន សិទ្ធា មុននេះបានចេញមុខពន្លះយ៉ាងធ្ងន់ៗលើបុគ្គលដែលមានបំណងស៊ីដាច់លុយរបស់ មមុន្នីរក្សា ថែមទៀតផង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:ខ្លឹមសាររបស់តារាសម្តែងលោក អ៊ុន សិទ្ធា បានរៀបរាប់ថា ម្ចាស់​ផលិតកម្ម​ដែលមានខ្លួនមួយចំនួនដែលមិន​បេីកលុយអោយគ្នាឃេីញនៅ ! អ្នកឯងឃេីញហេីយមានវិប្បដិសារី​ទេ​? ចេះស្តាយក្រោយទេ​ ? ចេះអាណិតអាសូរអ្នកទន់ខ្សោយទេ? អ្នកឈឺអ្នកឯងមានលុយទៅព្យាបាលដល់​បរទេស ​ចុះគ្នាដែលជាអ្នកធ្វេីការអោយអ្នកឯងមិនដែលស្គាល់ថ្ងៃយប់​ទាំងកូវីដកំពុងរាតត្បាត ក៏ខំធ្វេីការអោយដែរ​ ព្រោះអ្វីមានយល់អត់?។

​លោកនិយាយទៀតថា កម្មនេះនឹងសងអ្នកឯងក្នុងជាតិនេះ អ្នកឯងសាងអី្វអ្នកឯងនឹងទទួលវិញលេីសកម្មអ្នកឯងសាងទៅទៀត។ អ្នកឯងមេីលឃេីញហេីយបេីមាន​អារម្មណ៍​ឈឺចាប់នឹងពាក្យខ្ញុំសរសេរ​ អាចមកតទល់ជាមួយខ្ញុំបានស្វាគមន៍​ជានិច្ច​។ ប្អូនខ្ញុំ​មុននឹងស្លាប់ក៏ប្រាប់ដែរ​ថា នឹងទារលុយវាមកវិញ​អ៊ីចឹងអ្នកឯងចាំទទួលកម្មផលដែលអ្នកឯងបានសាងម្តងបន្តិចៗជាងប្អូនខ្ញុំដែលឈឺចាប់ទាំងផ្លូវកាយទាំងផ្លូវចិត្ត ។

​សូមបញ្ជាក់ថា តារា​សម្តែង ប៉ុ​ល មុន្នី​រក្សា ហៅ ចូ​ចូ បាន​ទទួលមរណភាព​កាលពី​ថ្ងៃ​ទី​២៨ ខែកញ្ញា ឆ្នាំ​២០២២ក្នុង​វ័យ​៣០​ឆ្នាំដោយសារ​ជំងឺ​ផ្លូវដង្ហើម និងរលាកស្រោមខួរក្បាល។ តាមរយ:ដំណឹងមរណរបស់តារាភេទទី៣រូបនេះ បានធ្វើឲ្យអ្នកសិល្បៈ​ជា​ច្រើនសម្តែងការអាណិតនិងសោកស្តាយព្រមជាមួយការផ្ញើសារចូលរួមរំលែកទុក្ខដ៏ក្រៀមក្រំនេះផងដែរ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម