Aum patcharapa បង្ហោះរូបស្លៀកពាក់សាមញ្ញ តែស្អាតនិងទាក់ទាញខ្លាំង

អ្នកគាំទ្រជាច្រើនសម្រុកចូល Like និងស៊ែរលើរូបតារា​សម្ដែង Aum ក្នុងបណ្ដាញ​សង្គម IG បន្ទាប់ពីនាងទម្លាយ​រូបភាព​ថ្មី​ស្រឡាង​មួយ បង្ហាញ​ឲ្យ​ឃើញ​ចង្កេះ​ស្ដើង​ជាង​មុន​ខ្លាំង។

ជាមួយគ្នានេះដែរ Aum Patcharapa បានបង្ហោះ​រូប​ពាក់​​​អាវពណ៌​សដៃខ្លី និង​រួមទាំង​ស្លៀក​ខោខូវប៊យ បង្ហាញ​ក្បាល​ពោះ​សំប៉ែត និង​ចង្កេះ​អក្សរ S ថែមទៀត។ ​អ្វីដែលកាន់តែពិសេស​នោះគឺ​​ឈុតមួយទៀតអាវដៃខ្លីដូចគ្នា​ តែមានក្រឡាការ៉ូ ក៏ទាក់ទាញខ្លាំងមិនធម្មតាដូចគ្នាដែរ។ លើសពីនេះ Aum ហាក់ទទួល​បានប្រជាប្រិយភាពខ្លាំងក្រោយបង្ហោះរូបពីរសន្លឹកនេះរួចមក។

បន្ទាប់ពីរូបភាពនេះ​ត្រូវ​បាន​គេ​ផ្សព្វផ្សាយ​ពាសពេញ​អ៊ីនធឺណិត ហ្វេនៗជា​ច្រើន​បានចូលមក​​បញ្ចេញ​មតិ​ថា រូប​រាង​របស់នាងស្អាត​ខ្លាំងជាងមុន​ និងមានរាងរៅខុសពីមុនខឆ្ងាយ ​​ខណៈ​ចង្កេះ​ Aum ​បង្ហាញ​ឲ្យ​ឃើញ​កាន់​តែង​តូចខ្លាំងថែមទៀត។ បន្ថែមពីនេះក៏មានអ្នកស៊ែររូបភាពរបស់នាង ដោយដាក់ខេបសិនថា គួរឲ្យ​ស្រលាញ់​ណាស់ និងមើលទៅនាងមានស្ទីលដូចនារីកូរ៉េណាស់។

គួរបញ្ជាក់ដែរថា​ តារា​ស្រី​លំដាប់​ជួរ​មុខ​របស់​ប្រទេស​ថៃ​ Aum Patcharapa មិន​ថានាង​បង្ហោះ​អ្វី​ក៏​តែង​តែ​ទទួល​បាន​ការ​ភ្ញាក់​ផ្អើល​ពី​អ្នក​គាំទ្រ​ជានិច្ច។ ដូចរូបភាពចុងក្រោយដែល Aum បានបង្ហោះនៅលើ Instagram កាលពីថ្ងៃទី០៣យ៉ាងដូច្នោះដែរ គឺជារូបភាពបង្ហាញពីចង្កេះតូច និងរូបរាងដ៏ក្តៅគគុកបំផុតផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Pancake បង្អួតខ្លួនជាមួយក្រណាត់ប្រពៃណី ក្នុងកម្មវិធីបង្ហាញម៉ូដពិភពលោក

ចុចអាន៖Bella បង្ហាញមុខលើក្របទស្សនាវដ្ដីមួយ អ្នកគាំទ្រស្មានតែប្រុសសង្ហា