ជីវិតកម្សាន្ដ

លីម តិចម៉េង សុំចិត្តមហាជន កុំស្អប់កុំខឹង ក្រោយបំពេញក្តីស្រមៃសាក់យ័ន្តលើខ្នង

បានផុស

៥ ខែ មុន

នៅ

ថ្ងៃពុធ ១៩ តុលា ២០២២

ដោយ

តារាចម្រៀងវ័យក្មេង និងជាម្ចាស់ពានរង្វាន់ប្រឡងចម្រៀងលំដាប់ពិភពលោក លីម តិចម៉េង បច្ចុប្បន្ន ត្រូវបានគេកត់សម្គាល់ឃើញថា ទាំងប្រជាប្រិយភាព និងសន្ទុះ នៃការគាំទ្រពីទស្សនិកជនមានការកើនឡើងជាបន្តបន្ទាប់។ ពិសេសតាមរយៈការឡើងច្រៀងលើឆាកម្តងៗ មានអ្នកទៅគាំទ្រភ្លូកទឹកភ្លូកដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមពេលជាមួយគ្នាដែលកំពុងតែជោគជ័យលើវិថីសិល្បៈនេះដែរ តារាចម្រៀង លីម តិចម៉េង ស្រាប់តែប្រកាសពីការបំពេញក្តីស្រមៃរបស់ខ្លួនមួយទៀត គឺតាមរយៈការសាក់រូបយ័ន្តនៅលើខ្នង។

ក្នុងនោះ កំលោះ តិចម៉េង ក៏បានស្នើសុំចិត្តមហាជន និងអ្នកគាំទ្រ កុំស្អប់ កុំខឹងរូបលោកផងដែរ។

បង្ហោះភ្ជាប់នឹងរូបភាពសាក់យ័ន្តនៅលើខ្នងនេះដែរ លោក លីម តិចម៉េង បានលើកឡើងបែបនេះថាកុំស្អប់ កុំខឹង ណាពុកម៉ែ បងប្អូន ទាំងអស់គ្នា ខ្ញុំបំពេញក្តីស្រមៃទេ ហើយរបស់ទាំងអស់នៅលើសាច់ខ្នងខ្ញុំបាទ គឺជារបស់ដូនតាខ្មែរដែលបានបន្សល់ទុកតាំងពីបុរាណមក។ តាមរយៈនេះគេឃើញមានការបញ្ចេញមតិគាំទ្រ លីម តិចម៉េង គ្រប់ៗគ្នា។

បើយោងតាមខ្លឹមសាររបស់អ្នកគាំទ្រមួយចំនួនលើកឡើងថា ល្អណាស់ idol នេះជាមួយផ្នែកឲ្យតម្លៃនិងផ្សព្វផ្សាយ នៃវប្បធម៌ខ្មែររបស់យើង ព្រោះការសាក់យ័ន្តនេះ ប្រទេសថៃ បានកំពុងតែដណ្ដើមយក និងបង្អួតទៅកាន់ពិភពលោកថា ជាវប្បធម៌របស់ថៃនៅសម័យអយុធ្យា។ ខ្លះទៀតបាននិយាយថា ស្នាមសាក់វាគ្រាន់តែជារូបកាយខាងក្រៅ សំខាន់បេះដូង ចិត្តគំនិតល្អបរិសុទ្ធមានក្នុងខ្លួន វាគ្មានថ្ងៃសាបសូន្យទេ idol ក្នុងបេះដូង។ បងធ្វើត្រូវបំផុត និងរឹតតែគាំទ្រ ព្រោះបងបានថែរក្សារបស់ដូនតាខ្មែរដែលបានបន្សល់តាំងពីបុរាណមក។

គួររម្លឹកថា កាលពីយប់ថ្ងៃទី ២៨ ខែសីហា ឆ្នាំ ២០២២ កន្លងទៅ កម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ៤ បានរកឃើញម្ចាស់ជ័យលាភីដែលឈ្នះពានរង្វាន់ គឺបានទៅលើកំលោះតូច លីម តិចម៉េង មកពីដែនដីខេត្តកំពង់ចាម៕

អត្ថបទ ៖ ចាន់រ៉ា