ជីវិតកម្សាន្ដ

មានការសង្ស័យថា Bella កែកុនមុខមាត់ ក្រោយបែកធ្លាយរូបចាស់ៗ

បានផុស

១ year មុន

នៅ

ថ្ងៃអាទិត្យ ២៣ តុលា ២០២២

ដោយ

ឈ្មោះតារាសម្ដែង Bella Ranee បានវិលត្រលប់មកពិភពអ៊ីនធឺណិតសាជាថ្មី បន្ទាប់ពីមានការពិភាក្សានិងជជែកគ្នាជាច្រើននៅលើបណ្ដាញសង្គម អំពីបញ្ហាវះកាត់កែសម្ផស្សរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរ មានការចែករំលែករូបភាពកាលអតីតកាល ដោយធ្វើការប្រៀបធៀបនឹងបច្ចុប្បន្ន ខណៈវាបង្ហាញយ៉ាងច្បាស់ថា តារាសម្ដែងប្រចាំប៉ុស៍លេខ៣រូបនេះ ពិតជាផ្លាស់ប្ដូរមុខមាត់ពិតមែន។ បន្ថែមពីនេះ នៅក្នុងរូបភាពជាច្រើននោះបានបង្ហាញឲ្យឃើញទម្រង់មុខ Bella ទាំងក្រសែភ្នែក ច្រមុះ គឺកាត់ទៅប៉ែកខាងលោកខាងលិចច្រើន។ ប៉ុន្តែនៅពេលដែលមានការកែកុនផ្នែកច្រមុះ និងភ្នែក មុខមាត់ Bella បច្ចុប្បន្ននេះមើលទៅស្រដៀងនឹងជនជាតិអាស៊ីច្រើន សឹងមិនគួរឲ្យជឿ។

ត្បិតថាមានការជជែកគ្នាច្រើនរហូតបង្កជារឿងរ៉ាវចម្រូងចម្រាស រវាងមហាជនទូទៅនិងហ្វេនៗ Bella ក្ដី តែយ៉ាងណា នេះគ្រាន់តែជារូបភាពកាលពីអតីតកាលដែលគេលើកមកប្រៀបគ្នា ជាមួយនឹងបច្ចុប្បន្នប៉ុណ្ណោះ។ ទោះយ៉ាងនេះក្ដី អ្នកគាំទ្រដែលជាហ្វេនក្លឹបរបស់តួឯកស្រីក្នុងរឿង “បុព្វេសន្និវាស” នៅតែស្រលាញ់និងពេញចិត្តចំពោះរូបរាងរបស់នាងជានិច្ច មិនថាបែកធ្លាយនាងធ្លាប់មានប្រវត្តិកែកុនមាត់នោះទេ៕