ជីវិតកម្សាន្ដ

ច្រើនសន្លឹក ក្នុងពិធីលាភាពនៅលីវ ពីតួឯកស្រីរឿង “សត្រូវមិត្ត” និងគូស្នេហ៍សេដ្ឋីស្រុក ថៃ

បានផុស

៤ years មុន

នៅ

ថ្ងៃចន្ទ ២៤ តុលា ២០២២

ដោយ

តារាសម្ដែងប្រចាំប៉ុស្តិ៍លេខ៣ Patricia Good និងមិត្តប្រុសដែលជាមហាសេដ្ឋីស្រុកថៃ កាលពីម្សិលមិញនេះ អ្នកទាំងពីរបានរៀបចំពិធីជប់លាងលាភាពនៅលីវ ដើម្បីត្រៀមចូលរោងការនាចុងឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ទស្សនិកជនដែលនិយមគាំទ្រ និងតាមដានជីវិតគូស្នេហ៍ Patricia- Note ប្រាកដជាចង់ឃើញទិដ្ឋភាពពេញភ្នែកនៃពិធីដ៏សាមញ្ញ ដែលមានការចូលរួមពីសំណាក់មិត្តសិល្បៈល្បីៗ និងមនុស្សជិតស្និទ្ធមិនខាន ខណៈម្សិលមិញនេះ មានត្រឹមរូបភាពដែលអ្នកចូលរួមបង្ហោះប៉ុណ្ណោះ។

ជាងនោះទៅទៀត កម្មវិធីដ៏សប្បាយនេះបានបង្ហាញពីទិដ្ឋភាពនៃពេលវេលាដ៏មានសុភមង្គល និងភាពរីករាយដែលត្រូវបានគេប្រារព្ធឡើងនៅក្នុងសាលដ៏ធំមួយ ក្រោមបរិយាកាសឯកជនបំផុត។ ក្រៅពីបានឃើញទិដ្ឋភាព នៃភាពសប្បាយរីករាយ ភាពកក់ក្ដៅ និងការស្រលាញ់រាប់អានពីសាច់ញាតិ មិត្តភ័ក្ដិ និងមនុស្សជិតស្និទ្ធ ដែលមកចូលរួមអបអរសាទរអ្នកទាំងពីរនោះ គេនៅតែចង់ឃើញរូបភាពជាច្រើននៃអង្គពិធីទាំងមូល ឲ្យបានត្រជាក់ភ្នែកលើសមុន។

យ៉ាងណាមិញ មិនឲ្យអ្នកគាំទ្រខកចិត្ត ខាងប្រុសទើបតែបញ្ចេញរូបជាច្រើនសន្លឹក ចែកចាយលើបណ្ដាញសង្គម Instagram របស់លោក ជាមួយនឹងសំណេរថា “Bachelor & Bachelorette night អរគុណអ្នកគ្រប់គ្នាដែលបានអញ្ញើញមក ហើយធ្វើឲ្យវាពិសេស សម្រាប់ពួកយើង”។