ជីវិតកម្សាន្ដ

អាចារ្យ ធំ សង្វេគចិត្តអាណិតក្មេងប្រុសចេញពីប្រឡងត្រូវឡានបុកស្លាប់ ឪពុកម្ដាយគ្មានលុយធ្វើបុណ្យ

បានផុស

១ year មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

តារាចម្រៀងរ៉េបអាចារ្យ ធំ បានបង្ហាញអារម្មណ៍សង្វេគ និងរន្ធត់ចិត្តខ្លាំង ជាមួយក្រុមគ្រួសាររបស់ក្មេងប្រុសដែលជាសិស្សសាលាម្នាក់ ក្រោយចេញមកពីការប្រឡង ត្រូវឡានដឹកដីបុកបណ្ដាលឲ្យស្លាប់ ខណៈឪពុកម្ដាយគ្មានលុយធ្វើបុណ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះសាររៀបរាប់ភ្ជាប់ជាមួយរូបភាពក្មេងប្រុសរងគ្រោះ អាចារ្យ ធំ បានលើកឡើងដោយក្តីអាណិត និងអំពាវនាវដល់សប្បុរសជនថា ក្រហើយ កូនត្រូវឡានដឹកដីបុកស្លាប់ទៀត ឪពុកម្ដាយគ្នាគ្មានលុយធ្វើបុណ្យសពកូនទេ បងប្អូនអើយ។ ព្រោះចេញពីប្រឡងដល់ផ្ទះ គ្មានអង្ករដាំបាយហូបទេ ឆ្លៀតជូនបងប្រុសទៅធ្វើការរកលុយជួយពុកម៉ែ ក្រីក្រដោយកូនច្រើន។

អាចារ្យ ធំ បន្ថែមថា ពេលកំពុងធ្វើដំណើរ ស្រាប់តែជួបគ្រោះថ្នាក់នៅកែងស្តុបជន្លុងខេត្តសៀមរាបត្រូវឡានដឹកដីបុកប្អូនប្រុសស្លាប់ភ្លាមៗនៅនឹងកន្លែង ម្តាយឪពុកយំបោកខ្លួនស្ទើរស្លាប់ គួរឲ្យសង្វេគខ្លាំងណាស់បងប្អូនអើយ ចេញពីផ្ទះ ២ នាក់ បងប្អូន ពេលចូលផ្ទះស្លាប់មួយ រស់មួយ ហើយម្តាយខ្វះខាតខ្លាំងណាស់ គ្មានលុយធ្វើបុណ្យសពកូនសោះ។

អាចារ្យ ធំ នគររាជ បំផុសបន្ថែមដល់សប្បុរសជនទៀតថា តោះបងប្អូន យើងជួយបរិច្ចាគម្នាក់បន្តិចក៏បាន។ ខាងក្រោមនេះជាលេខម្តាយសពឈ្មោះ ចានរ៉ាត់ ផ្ទះនៅក្រោយផ្សារខ្នារ ខេត្តសៀមរាប។ ០៩២ ៣៨០ ៥៦៣, ០១២ ៣០០ ៨៩៦។ ដោយមានការបង្ហោះអំពាវនាវរបស់អាចារ្យ ធំ ខាងលើនេះ គេឃើញមានសប្បុរសជនមួយចំនួនបានចូលរួមថវិកាផ្ទាល់ខ្លួន ដើម្បីចូលបុណ្យសពក្មេងប្រុសខាងលើផងដែរ៕

អត្ថបទ ៖ ចាន់រ៉ា