ជីវិតកម្សាន្ដ
តារាកំប្លែង ណាំវ៉ា ត្រូវចោរគាស់ផ្ទះយកសម្ភារៈ និងថវិកាមួយចំនួន ពេលទៅច្រៀងតាមខេត្ត
តារាកំប្លែងសាច់សខ្ចីសម្ដីចាក់ទឹកមិនលិច កញ្ញា ណាំវ៉ា ដែលប្រិយមិត្តអ្នកតាមដានតែងតែទទួលបានសំណើចសើចក្អាកក្អាយមិនចេះជិនណាយនោះ ពេលនេះជួបរឿងរ៉ាវដ៏ហួសចិត្ត ត្រូវក្រុមចោរលួចគាស់ផ្ទះចំនួន ២ លើក យកអស់សម្ភារៈ និងថវិកាមួយចំនួន។
យោងតាមប្រភពព័ត៌មានបានឲ្យដឹងដូច្នេះថា អតីតតារាកំប្លែងរបស់ស្ថានីយទូរទស្សន៍ CTN កញ្ញា សន ស្រីលីន ហៅ ណាំវ៉ា ត្រូវបានក្រុមចោរចូលគាស់ផ្ទះពីរលើក បណ្ដាលឲ្យបាត់បង់សម្ភារៈ និងថវិកាមួយចំនួន ដែលករណីនេះកើតឡើងក្នុងសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ កាលពីវេលាម៉ោង ៨ យប់ ថ្ងៃទី ២២ ខែវិច្ឆិកា ឆ្នាំ ២០២២។
តារាកំប្លែង ណាំវ៉ា បានរៀបរាប់ប្រាប់អ្នកសារព័ត៌មានថា បើគិតមកដល់ពេលនេះ ផ្ទះដែលខ្លួនជួលស្នាក់នៅនោះ ត្រូវបានក្រុមចោរគាស់ចំនួន ២ ដងមកហើយ ដោយកាលពីលើកទី ១ យកអស់លុយចំនួន ១៧០០ ដុល្លារ។ ចំណែកលើកទី ២ ទើបកើតឡើងយប់មិញនេះ យកអស់គ្រឿងអលង្ការដូចជា ខ្សែក ចិញ្ចៀន និងនាឡិកាជាដើម។ ម្យ៉ាងអ្វីដែលធ្វើឲ្យតារារូបនេះកាន់តែហួសចិត្តទៀតនោះ គឺម្ចាស់ផ្ទះជួលហាក់គ្មានទំនួលខុសត្រូវ ហើយថែមទាំងប្រើពាក្យសម្ដីមិនល្អពេលនាងទៅប្រាប់អំពីបញ្ហាចោរគាស់ផ្ទះនេះ។
កញ្ញា ណាំវ៉ា បានបញ្ជាក់បន្ថែមទៀតថា នៅមុនពេលថ្ងៃកើតហេតុ ខ្លួនបានចេញទៅខេត្តចំនួន ២ ថ្ងៃ ដើម្បីច្រៀង និងសម្ដែងក្នុងកម្មវិធីប្រគំតន្ត្រី ប៉ុន្តែមិននឹកស្មានពេលមកដល់ផ្ទះវិញ ក៏ឃើញសោទ្វា ត្រូវបានវាយបំបែក ចំណែកទ្វាខាងមុខ ក៏ត្រូវបើកចំហ។ រីឯអីវ៉ាន់ក្នុងផ្ទះ ក៏ត្រូវរាយប៉ាយជជុះពេញនឹងផងដែរ។ ចំពោះសម្ភារៈបាត់បង់នោះ មានតម្លៃខ្ទង់រាប់ពាន់ដុល្លារ ខណៈនាឡិកាដែលបាត់នោះ តម្លៃជាង ១០០ ដុល្លារ៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ