ជិតដល់ថ្ងៃប្រគំតន្ត្រីហើយ Leehom Wang នៅលក់សំបុត្រមិនដាច់ទៀត

នៅថ្ងៃសៅរ៍ ទី២៨ Leehom Wang តារាចម្រៀងចិនដ៏ល្បីនឹងឡើងសម្ដែងក្នុងការប្រគំតន្ត្រី ONE LeeHom នៅទីក្រុង Las Vegas ។ ចាប់តាំងពីរឿងអាស្រូវផិតក្បត់ និងការលែងលះគ្នាក្នុងឆ្នាំ ២០២១ មក ការប្រគំតន្ត្រីលើកនេះគឺជាលើកទី ១ សម្រាប់លោក Lee ប៉ុន្តែមិនសូវមានអ្នកចាប់អារម្មណ៍ពីកម្មវិធីរបស់លោកសោះឡើយ ។

ថ្ងៃសំខាន់កាន់តែខិតជិតមកដល់ សំបុត្រក៏លក់មិនទាន់ចេញ ចំណែកឯកន្លែងអង្គុយមានដល់ទៅ ៤,៧០៣ ឯណោះ ។ អ្នកឧបត្ថម្ភកំពុងព្យាយាមផ្សព្វផ្សាយទាក់ទាញទស្សនិកជនដោយបំភ្លៃថា “កន្លែងជិតពេញហើយ” ។ ដើម្បីលក់សំបុត្រដាច់ អ្នករៀបចំកម្មវិធីមានតែចេញ​រូបភាពប្រូម៉ូសិន​ថ្មី​របស់ Leehom ពាក់អាវយឺតស សក់រួញ និងកាន់ហ្គីតាជាវិធីចុងក្រោយនៃការទាក់ទាញ ។ 

ក្រៅពីនេះមានពាក្យចចាមអារ៉ាមថា តារាចម្រៀងវ័យ ៤៦ ឆ្នាំ Leehom នឹងធ្វើការឡើងច្រៀងបទថ្មី ២ បទនៅក្នុងការប្រគំតន្ត្រីជាពិសេសតែម្ដង ។ គ្រាន់តែបែកធ្លាយភ្លាម សមីខ្លួនក៏ចេញមុខបង្ហើបដោយខ្លួនឯងទៅគឺ បទថ្មីមួយមានចំណងជើងថា “ONE” ដែលបានគំនិតមកពីព្រះគម្ពីរធម៌ និងកម្លាំងចិត្តដែលគម្ពីរនោះប្រទានឲ្យ ។

ជាមួយគ្នានេះដែរ អត្ថន័យ​នៃ​បទ​ចម្រៀង​ថ្មី​មានបង្កប់ន័យនិយាយពី​ព្រឹត្តិការណ៍​ជា​ច្រើន​ក្នុង​ជីវិត​ដែល​អាច​ផ្លាស់​ប្តូរ​មនុស្ស​ម្នាក់​បានទៀតផង ។ លើសអត្ថន័យធម្មតា កន្លែងខ្លះប្រៀបបីដូចជាកំពុងចាក់អតីតភរិយា Jinglei Lee ពីការបោះបង់ចោលលោក Leehom ដោយសារឧបសគ្គក្នុងជីវិតបន្តិចសោះដោយគ្មានការតស៊ូ ៕

ប្រែសម្រួលដោយ ៖ វារី

ចុចអាន ៖ មុខ Kai Ko ជិតជាសះស្បើយហើយ បន្ទាប់ពីហេតុការណ៍ផ្ទុះដ្រូន