តារាសម្ដែងជួរមុខកូរ៉េ Lee Seung Gi ប្រកាសរៀបការ ក្រោយទាក់ទងគ្នាជិត ៣ឆ្នាំ

អ្នកគាំទ្រពេញអាស៊ី មានការភ្ញាក់ផ្អើលជាខ្លាំង បន្ទាប់ពីតារាសម្ដែងដ៏ល្បីរបស់កូរ៉េខាងត្បូង Lee Seung Gi បានប្រកាសរៀបការជាមួយមិត្តស្រី ក្នុងរយៈពេលពីរខែខាងមុខនេះ ក្រោយពេលពួកគេទាក់ទងគ្នាជិត ៣ឆ្នាំ។

តាមរយៈសារដែលបង្ហោះនៅលើបណ្ដាញ Instagram តួឯកប្រុសរឿង អ៊ូខុង រូបនេះ បានទម្លាយថា លោកសម្រេចចិត្តបញ្ចប់ជីវិតនៅលីវ ដោយនឹងចំណាយពេលជីវិតគូជាមួយ Lee Da In ដែលជាមិត្តស្រីរបស់លោក ចាប់ពីដើមខែមេសាតទៅ។

លោកបន្តទៀតថា “ខ្ញុំបានសុំនាងរៀបការ ហើយនាងក៏យល់ព្រម។ ពិធី​រៀប​ការ​ពួកយើងនឹង​ប្រព្រឹត្ត​ទៅ​នៅ​ថ្ងៃ​ទី​៧ ខែ​មេសា ២០២៣។ ពេលនេះ​ខ្ញុំ​មាន​អ្នក​ទទួល​ខុស​ត្រូវ​ហើយ ហើយខ្ញុំ​ចង់​ចែក​រំលែក​ដំណឹង​ល្អ​នេះ​ដល់​អ្នក​រាល់​គ្នាដោយ​ផ្ទាល់។” ក្នុងសារដ៏វែងអន្លាយ Lee Seung Gi បន្ថែមថា Lee Da In ជា​មនុស្ស​ដែល​គួរ​ឱ្យ​ស្រឡាញ់ កក់ក្តៅ និងជាមនុស្សដែលលោកចង់នៅក្បែរជារៀងរហូត។

គួររំលឹកថា ស្នេហារបស់ Lee Seung Gi និង Lee Da In ចាប់ផ្តើមទាក់ទងគ្នានៅចុងឆ្នាំ២០២០ ដោយផ្តើមចេញពីមិត្តភាព រហូតដល់ពួកគេក្លាយជាគូស្នេហ៍ជាផ្លូវការ នៅពាក់កណ្តាលខែឧសភា ឆ្នាំ២០២១ ហើយប្រកាសរៀបការនៅថ្ងៃទី៧ ខែមេសា ឆ្នាំ២០២៣៕

ប្រែសម្រួល៖ សន្យា

ចុចអាន៖ ចៀវៃ ​ខឹងសម្បារប្រព័ន្ធផ្សព្វផ្សាយដែលយករូបកូនស្រីបង្ហោះជាសាធារណៈ

ចុចអាន៖ បវរកញ្ញា អ៊ីងហ្វា ម្ចាស់មកុដ Miss Grand ថៃ ប្រកាសបរិច្ចាគសរីរាង្គ ក្រោយពេលស្លាប់