បវរកញ្ញា អ៊ីងហ្វា វ៉ារ៉ាហា (Engfa Wahara) ម្ចាស់ជយលាភីរងទី១ កម្មវិធី Miss Grand International 2022 ប្រកាសបរិច្ចាគសរីរាង្គ បន្ទាប់ពីនាងទទទួលមរណភាព ដែលទង្វើនេះធ្វើឱ្យនាងទទួលបានការកោតសរសើរ ​និងការគាំទ្រយ៉ាងពេញទំហឹងពីបណ្ដាជនរាប់លាននាក់។

ម្ចាស់មកុដ Miss Grand Thailand 2022 បវរកញ្ញា អ៊ីងហ្វា ទម្លាយនៅលើបណ្ដាញសង្គមផ្ទាល់ខ្លួនថា នាងបានចុះឈ្មោះបរិច្ចាគសរីរាង្គ ក្រោយមរណភាពរបស់នាង ដើម្បីជួយដល់អ្នកជំងឺដែលត្រូវការការវះកាត់ប្ដូរសរីរាង្គ។ ការប្រកាសរបស់ អ៊ីងហ្វា បានធ្វើឱ្យសាធារណជនជាច្រើនមានការភ្ញាក់ផ្អើលយ៉ាងខ្លាំង ហើយគ្រប់គ្នាពិតជាស្ញប់ស្ញែងជាទីបំផុត ដោយសារទង្វើរបស់នាង ជាទង្វើដ៏ថ្លៃថ្លា និងពោរពេញដោយមនុស្សធម៌។

យ៉ាងណាមិញ ​ក្នុងនោះនៅ​មាន​មតិ​ផ្ទុយ​គ្នា​មួយ​ចំនួន​ជុំវិញ​ការ​បរិច្ចាគ​សរីរាង្គ​របស់ អ៊ីងហ្វា ផងដែរ។ មហាជនជាច្រើនសម្តែងការងឿងឆ្ងល់ នៅពេលដែលម្ចាស់ជយលាភីរងទី១រូបនេះ មិនបានផ្តល់វិញ្ញាបនបត្រចុះបញ្ជីការបរិច្ចាគសរីរាង្គដល់សាធារណជនបានឃើញឡើយ ខណៈការប្រកាសមានត្រឹមពាក្យសម្ដីប៉ុណ្ណោះ។

ទោះយ៉ាងណា បន្ទាប់ពីប្រកាសដំណឹងភ្លាម បវរកញ្ញាវ័យ ២៥ឆ្នាំរូបនេះ ទទួលបានការសរសើរ និងមតិវិជ្ជមានជាច្រើនពីសង្គមអនឡាញ ដោយសារតែការបរិច្ចាគសរីរាង្គបែបនេះ ពិតជាកម្រមានមនុស្សហ៊ានធ្វើណាស់៕

ប្រែសម្រួល៖ សន្យា

ចុចអាន៖ ស្ដាប់បទនេះ​ហើយ ទើបដឹងថា Engfa ចេះច្រៀងពីរោះប៉ុនណា (មានវីដេអូ)

ចុចអាន៖ ប្រឡូកសិល្បៈ ២៦ឆ្នាំ កំពូលតារាស្រី Aum Pachayapa នៅសល់ទ្រព្យសម្បត្តិប៉ុន្មានក្នុងដៃ?