ចៀវៃ ​ខឹងសម្បារប្រព័ន្ធផ្សព្វផ្សាយដែលយករូបកូនស្រីបង្ហោះជាសាធារណៈ

អតីតតួ ចៀវៃ (Ruby Lin) ក្នុងខ្សែភាពយន្តរឿង ព្រះនាងយ៉េយ៉េ ផ្ទុះកំហឹងចំពោះប្រព័ន្ធផ្សព្វផ្សាយអនឡាញដែលបានយករូបកូនស្រីរបស់នាងទៅបង្ហោះជាសាធារណៈ ​ខណៈនាងដែលជាអាណាព្យាបាលព្យាយាមមិនបង្ហាញមុខកូនស្រីតាំងពីទើបកើតមកម្ល៉េះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនស្រីតារាសម្ដែងតៃវ៉ាន់ Ruby Lin ដែលមានឈ្មោះហៅក្រៅថា Little Dolphin ត្រូវបានឪពុកម្ដាយលាក់មុខអស់រយៈពេល ៦ឆ្នាំមកហើយ រាប់តាំងពីកុមារីរូបនេះប្រសូត កាលពីឆ្នាំ២០១៧។ ប៉ុន្តែថ្មីៗនេះ ស្រាប់តែមានប្រព័ន្ធផ្សព្វផ្សាយសង្គមចិនមួយចំនួន ព្យាយាមបង្ហាញមុខ Little Dolphin ជាសាធារណៈ និងបន្តចែករំលែកយ៉ាងផុសផុល ដែលសកម្មភាពនេះធ្វើឱ្យ Ruby Lin ជាម្ដាយទប់កំហឹងសឹងមិនបាន។

បន្ទាប់ពីរូបថតកូនស្រីបានសាយភាពពាសពេញបណ្ដាញសង្គម Ruby Lin បានបង្ហោះសារជាផ្លូវការ ធ្វើការព្រមានប្រព័ន្ធផ្សព្វផ្សាយទាំងអស់ ហាមបង្ហាញមុខកូនស្រីរបស់នាងតទៀត ពុំនោះទេនាងនឹងចាត់វិធានការផ្លូវច្បាប់​ មិនលើកលែងឡើយ។

ជាមួយគ្នានេះ អ្នកគាំទ្រជាច្រើនបានបង្ហាញជំហរនៅខាង អតីតតួ ចៀវៃ ហើយសង្ឃឹមថាអ្នកដែលបង្ហោះរូបថតកូនស្រីរបស់នាងនឹងចេញមុខសុំទោសចំពោះសាមីខ្លួន ដើម្បីជាការរំលឹកបុគ្គលផ្សេងទៀត កុំឱ្យចេះតែហ៊ានផ្ដេសផ្ដាស ព្រមទាំងចេះគោរពឯកជនភាពរបស់អ្នកដទៃផងដែរ៕

ប្រែសម្រួល៖ ​សន្យា

ចុចអាន៖ រឿងពីរយ៉ាងគត់ ចៀវៃ ទម្លាប់អនុវត្តជាប្រចាំ ដើម្បីរក្សាសម្រស់ឱ្យក្មេងជាងវ័យ

ចុចអាន៖ ហ្វាន ពីងពីង រងការរិះគន់ថាជាគំរូមិនល្អ ក្រោយចែករំលែកវិធីស្រកគីឡូ