តារាសម្ដែង Chen Feiyu ដែលគេស្គាល់ថាជាកូនប្រុសអ្នកដឹកនាំរឿង Chen Kaige កំពុងរងការរិះគន់បន្ទាប់ពីបែកធ្លាយរូបលើគ្រែជាមួយស្ត្រីរៀបការរួច Yi Lin ។

អ្នកស្រី Yi Lin គឺជាមនុស្សមានឥទ្ធិពលនិងមានអ្នកតាមដានប្រហែល ២១ ម៉ឺននាក់ក្នុងអ៉ីនធឺណែត ទោះបីមុខក្មេងបន្តិចតែនាងអាយុ ២៦ ឆ្នាំហើយថែមទាំងរៀបការរួចទៀតផង ។

ពាក់ព័ន្ធបញ្ហាបែកធ្លាយរូបថតមានពាក្យចចាមអារ៉ាមលេចឮថា Chen Feiyu និង Yi Lin លួចមានស្នេហាតាំងពីឆ្នាំ ២០២១ មកម្ល៉េះ លើសពីនេះពួកគេត្រូវប្រទះឃើញនាំគ្នាទៅសណ្ឋាគារ Changsha ច្រើនដងរាប់មិនអស់ ។

តាមពិតលោក Chen Feiyu ជាប់អន្ទាក់គេសោះ អ្នកទាំងពីរធ្លាប់គេងជាមួយគ្នាតែមួយដងគត់ ប៉ុន្តែ Li Yin លួចថតរូបទុកគម្រាមគាត់ដើម្បីបន្តជួបគ្នា និងហាមឃាត់មិនឲ្យថតរឿងជាមួយតារាស្រីស្អាតៗដាច់ខាត ។

ស្រាប់តែមិនយូរប៉ុន្មានគូស្នេហ៍ថ្មីរបស់នាងចាប់ផ្ដើមគម្រាមយកលុយប្ដូររូបថត ដូច្នេះម្ដាយរបស់តារាប្រុសវ័យ ២២ ឆ្នាំខាងលើសុខចិត្តប្រគល់ប្រាក់ ២ លានយ័នបញ្ចប់រឿងតែបុរសនោះមិនព្រមទទួលហើយលក់រូបទៅឲ្យអ្នកកាសែត ។

យ៉ាងណាមិញអ្នកគ្រប់គ្រងរបស់លោក Chen បាន​បញ្ជាក់ច្បាស់ៗ​ថា​ពេលអ្នកទាំងពីរទាក់ទងគ្នា Li Yin ជាស្ត្រីនៅលីវមិនទាន់មានស្វាមីទេ លុះបែកគ្នាគ្រប់មួយឆ្នាំទើបនាងរៀបការ ៕

ប្រែសម្រួល ៖ វារី

ចុចអាន ៖ ហ្វាន ពីងពីង បណ្ដើរគូស្នេហ៍ជាសាធារណៈ ជាសេដ្ឋីវាល់លាន នៅក្នុងប្រទេសចិន