ហ្វេនស្រីៗស្ទើរគាំងស្មារតី ក្រោយ Son Heung Min ស្លៀកខោទ្រនាប់បង្អួតសាច់ដុំ

កីឡាករបាល់ទាត់ Son Heung Min បានបង្អួតសាច់ដុំរបស់ខ្លួនជាមួយនឹងខោក្នុង Calvin Klein ជាលើកទីពីរ រួមទាំងឈុតចុងក្រោយដែលអ្នកនិយមលេងអ៊ីនធឺណិត​ ជា​ពិសេស​ស្រីៗ​ជុំវិញ​ពិភពលោក​ស្ទើរ​តែ​តាំងស្មារតី​ ​បន្ទាប់ពីឃើញរូបភាពប៉ុន្មានសន្លឹកនេះ។

លើស​ពី​នេះ​ ជម្រើស​ជាតិ​កូរ៉េ​ខាងត្បូង Son Heung Min បានសរសេរខេបសិនថា “ខ្ញុំ​មាន​មោទនភាព​ក្នុង​ការ​ធ្វើការ​ជាមួយ Calvinklein ដែល​ជា​ម៉ាកយីហោ​ដ៏​ល្បីល្បាញ ខ្ញុំពិតជាមាន​មោទនភាព​ក្នុង​ការ​តំណាង​ឲ្យ #mycalvins “។

យ៉ាងណាមិញ​រូបភាព​ជាច្រើន​សន្លឹករបស់ Son Heung Min បាន​ទាក់ទាញ​ជាង​មួយលាន Like ក្នុងរយៈ​ពេល​តែ​ប៉ុន្មាន​ម៉ោង​ប៉ុណ្ណោះ ខណៈ​​អ្នកគាំទ្រស្រីៗ​ឃើញហើយទប់អារម្មណ៍​សរសើរ​ពី​រាង​ដ៏​សង្ហា​របស់​លោក​មិនបាន។ ទោះ​យ៉ាងណា​ នេះ​មិនមែន​ជា​លើកទីមួយទេដែល Son ​បង្ហាញ​ភាព​ប៉ិនប្រសប់​ឲ្យ​យី​ហោ​របស់ Calvin Klein ដោយ​កាលពី​លើក​មុន​ខ្សែប្រយុទ្ធ​វ័យ៣០ឆ្នាំរូបនេះ ធ្លាប់ស្លៀកប្រេនដដែល កាលពីថ្ងៃទី ១៤ ខែ​កុម្ភៈ ព្រមទាំងបង្ហាញ​នូវ​មន្ត​ស្នេហ៍​ដ៏​ក្លាហាន​សម្រាប់​ការ​ប្រមូល​ខោទ្រនាប់​និទាឃៈរដូវ​ឆ្នាំ២០២៣ ផ្ដាច់មុខ​ថែមទៀតផង៕

ប្រែសម្រួល៖ សាង ស្រីល័ក្ខ

ចុចអាន៖ជាទូតសុឆន្ទៈឲ្យប្រេនតែមួយ តែតារាថៃ Bright វ៉ាដាច់ Son Heung Min រកចំណូលខ្ពស់បំផុត