Bella រកចំណូលចូលខ្ទង់លានឲ្យប្រេនលំដាប់មួយ ក្រោយបង្ហាញខ្លួនមួយភ្លែត

តារាសម្ដែងថៃ Bella Ranee ​បន្ទាប់ពីចូលរួម​កម្មវិធី​បង្ហាញ​ម៉ូដ Fendi ក្នុងព្រឹត្តិការណ៍ Women’s Fall/Winter 2023 Show នៅ Milan Fashion Week នៃប្រទេស​អ៊ីតាលី នាពេលថ្មីៗនេះនាង​​រកចំណូលជាង ២៣ លានបាត (៦៦៥,១៦២ដុល្លារ ) ដោយគ្រាន់តែបង្ហោះរូបភាពលើ​ប្រព័ន្ធ​ផ្សព្វផ្សាយ។

នៅក្នុង​វេទិកាចុងក្រោយបំផុតរបស់ Launchmetrics ការប្រមូលស្ថិតិនិងការវាស់វែងនៃចលនាម៉ូដ​នៅ​លើ​ប្រព័ន្ធផ្សព្វផ្សាយ​សង្គមបាន​បង្ហាញថា Bella Ranee ​ក្លាយជាអ្នកមាន​ឥទ្ធិពល​កំពូល​ម្នាក់​របស់​ពិភពលោក​ក្នុង​អំឡុងកម្មវិធី Milan Fashion Week ដោយ​នាង​រកចំណូលបានដល់ទៅ ៦៦៥,១៦២ដុល្លារ ពី​ការ​បង្ហោះ​មាតិកា​ចំនួន ៧ ។

ជាមួយ​គ្នា​នេះ​ដែរ​​អ្នកគាំទ្រ​របស់​ Bella Ranee ​បាន​បញ្ចេញ​មតិថា ​នាងអាច​រក​ចំណូលឲ្យ​ប្រេន​ Fendi ខ្លាំង​បែប​នេះ​ទៅ​ថ្ងៃ​មុខតួឯកស្រីក្នុងរឿង “ភ្លើង​ស្នេហ៍​ភ្លើង​ឬស្សា” ប្រាកដជាលេចមុខ​ញឹកញាប់​ក្នុង​កម្មវិធី​បង្ហាញ​ម៉ូដ​លំដាប់​ពិភពលោកមិនខាន។ ត្បិតថាកំពុងតែមានរឿងអាស្រូវជាមួយអ្នករួមជំនាន់ក្នុងពិភពសិល្បៈក្ដី តែបញ្ហាទាំងនោះមិនបានប៉ះពាល់ដល់កេរ្តិ៍ឈ្មោះ​របស់នាងសូម្បីតែបន្តិចណា ហើយមានតែប្រេនធំៗក្នុងស្រុក និងក្រៅប្រទេសចង់បាន Bella ជាទូសុឆន្ទៈប៉ុណ្ណោះ។

ទៅះយ៉ាងណា​ កាលពី៣ខែមុន Bella ក៏ត្រូវបានផ្ដល់​កិត្តិយសតំណាងម៉ាកយីហោល្បីមួយ ដោយអញ្ជើញចូលរួម​ដើរលើ​កម្រាល​ព្រំ​ក្រហម​នៃ​មហោស្រព​ភាពយន្ត​ដ៏​ល្បី RED SEA INTERNATIONAL FILM FESTIVAL 2022 (Red Sea Film) នៅ​ទីក្រុង Jeddah ប្រទេស​អារ៉ាប៊ីសាអូឌីដ ខណៈមហាជនជាច្រើនលាន់មាត់សរសើរសម្រស់នាងយ៉ាងច្រើនផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ

ចុចអាន៖Yaya បង្អួតប៊ីគីនីឆ្លុះសាច់ពណ៌ខ្មៅ លើកោះ ម៉ាល់ឌីវ