ជីវិតកម្សាន្ដ

គ្រាន់តែ Lisa កាន់បំពង់ហឺតហិតខ្លាចខ្យល់ ទស្សនិកជនសម្រុកទិញតាម រហូតដាច់ស្តុកត្រឹមមួយយប់

បានផុស

១២ ខែ មុន

នៅ

ថ្ងៃពុធ ៥ មេសា ២០២៣

ដោយ

កាលពីប៉ុន្មានថ្ងៃនេះ Lisa សមាជិកក្រុម BLACKPINK បានធ្វើដំណើរទៅកាន់ប្រទេសថៃ ដើម្បីប្រារព្ធខួបកំណើតគម្រប់អាយុ ២៦ ឆ្នាំជាមួយគ្រួសារ និងមិត្តភ័ក្ដិជិតស្និទ្ធព្រមទាំងថតរូបឱបគ្នា ខណៈក្នុងដៃរបស់នាងកាន់បំពង់ហឺតជាប់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា ភ្លាមៗនោះដែរអ្នកលេងបណ្ដាញអ៊ីនធឺណិតលាន់មាត់ថា ប្រាកដជាលក់ដាច់មិនអស់ដូចកាលនាងបង្ហាញរូបប្រហិតទឹកជ្រលក់មិនខាន។ ក្រោយមកមិនយូរប៉ុន្មានទំព័រហ្វេសប៊ុក Thai Herb Company Hong Thai Co., Ltd. បានប្រកាសថា ផលិតផលបានលក់ដាច់អស់ពីស្តុកត្រឹមពេលមួយយប់ ដោយសារតែលំហូរនៃការបញ្ជាទិញលើសពីការរំពឹងទុកទៅទៀត។

ទន្ទឹមនោះ ប្រធានផ្នែកទីផ្សារដដែលបានចេញមុខបញ្ចាក់សូមអភ័យទោសដល់អតិថិជនទាំងអស់ ដោយឆ្លើយតបថា “បំពង់ហឺតម៉ាកហុងថៃ បានអស់ពីស្តុក! យើងខ្ញុំសូមអភ័យទោសដល់អតិថិជនទាំងអស់សម្រាប់ការរអាក់រអួលនៅការបញ្ជាទិញមិនបាន។ ក្រុមហ៊ុននឹងប្រញាប់ផលិតផលិតផលឲ្យបានគ្រប់គ្រាន់ ដើម្បីបំពេញតម្រូវការរបស់អតិថិជនទាំងអស់។ អរគុណអតិថិជនទាំងអស់ដែលតែងតែគាំទ្រផលិតផលហុងថៃ និងសូមថ្លែងអំណរគុណដល់ Lisa ដែលធ្វើឲ្យការឆ្លើយតបលក់ដុំកើនឡើងក្នុងរយៈពេលត្រឹមតែមួយយប់ សូមអរគុណ”។

យ៉ាងណាមិញនេះមិនមែនជាលើកទីមួយទេ ដែលសមាជិកក្រុម BLACKPINK រូបនេះក្លាយជានិន្នាការល្បី ដោយគ្រាន់តែកាន់ផលិតផលមួយភ្លែតតែទាក់ទាញចិត្តមនុស្សគ្រប់គ្នាឲ្យសម្រុកទិញតាម។ កាលពីលើកមុន Lisa ធ្លាប់បង្ហោះរូបភាពប្រហិត និងបានចូលទៅញុំាសាច់អាំងមួយកន្លែងនៅឯប្រទេសកំណើត ហើយមនុស្សជាច្រើនសម្រុកទៅសឹងថាគ្មានកន្លែងអង្គុយផង៕