YG ស្នើឱ្យឈប់ផ្សព្វផ្សាយពាក្យចចាមអារ៉ាមស្នេហារវាង Rosé និង Kang Dong Won

នៅក្នុងសេចក្តីថ្លែងការណ៍មួយដែលបានចែករំលែកទៅកាន់ប្រព័ន្ធផ្សព្វផ្សាយ Hankyung កាលពីព្រឹកថ្ងៃទី១៧ ខែមេសា ផលិតកម្ម YG Entertainment បានចេញមុខឆ្លើយតបចំពោះពាក្យចចាមអារ៉ាមណាត់ជួបរវាង Rosé និងតារាសម្ដែង Kang Dong Won ថា ផលិតកម្មមិនអាចបញ្ជាក់នូវពាក្យចចាមអារ៉ាមទាំងនោះឡើយ ព្រោះវាជាបញ្ហាឯកជនទាក់ទងនឹងសិល្បកររបស់ខ្លួន។

បន្ទាប់រសេចក្តីថ្លែងការណ៍នេះហាក់ស្រពិចស្រពិល និងបង្ហាញចេតនាថា ការណាត់ជួបរវាង Rosé និង Kang Dong Won ជាការពិត ទើបទស្សនិកជនជាច្រើនយល់ថាតារាទាំងពីររូបទំនងជាមានទំនាក់ទំនងស្នេហានឹងគ្នាប្រាកដមែន។

ដោយសារពាក្យចចាមអារ៉ាមនៅតែបន្តចែកចាយ ផលិតកម្ម YG Entertainment បានចេញសេចក្ដីថ្លែងការណ៍បន្ថែម ដោយអំពាវនាវឱ្យឈប់ផ្សព្វផ្សាយពាក្យចចាមអារ៉ាមដែលគ្មានមូលដ្ឋានច្បាស់លាស់  និងស្នើឱ្យបញ្ឈប់ការចោទប្រកាន់សិល្បករទាំងពីរ ព្រោះវាជារឿងមិនពិត។

ផលិតកម្ម YG Entertainment បានផ្តល់ការឆ្លើយតបយ៉ាងច្បាស់លាស់ចំពោះការចោទប្រកាន់ជុំវិញការណាត់ជួបរវាង Rosé និង Kang Dong Won ថា  “ថ្វីត្បិត​តែ​យើង​ធ្លាប់​បាន​បញ្ជាក់​ពី​មុន​ថា យើង​មិន​អាចបញ្ជាក់​ពី​ជីវិត​ឯកជន​របស់​សិល្បករ​យើង​ក៏​ដោយ ប៉ុន្តែ​ឥឡូវ​នេះ​យើង​កំពុង​ចេញ​សេចក្តីថ្លែងការណ៍​មួយ​ទៀត សូមបញ្ឈប់​ពាក្យ​ចចាមអារ៉ាមដែលបានរាលដាលពីមុនមក ​ព្រោះវា​គ្មាន​មូលដ្ឋានពិតនោះទេ​” ៕

ប្រែសម្រួល៖ សន្យា

ចុចអាន៖ Park Seo Joon ធ្វើឱ្យហ្វេនលាន់មាត់សរសើរ ក្រោយបង្ហាញទង្វើជាសុភាពបុរសទៅកាន់ IU

ចុចអាន៖ Rosé និង Kang Dong Won ទំនងទាក់ទងគ្នាមែនហើយ ក្រោយ YG ចេញមុខឆ្លើយតប