Rosé និង Kang Dong Won ទំនងទាក់ទងគ្នាមែនហើយ ក្រោយ YG ចេញមុខឆ្លើយតប

ក្រោយល្បីណាត់ជួបគ្នារវាង Rosé សមាជិកក្រុម BLACKPINK និងតារាសម្តែង Kang Dong Won រួចមក ផលិតកម្ម YG Entertainment បានចេញមុខឆ្លើយតបទៅនឹងទំនាក់ទំនងស្នេហារបស់តារាទាំងពីរ។

នៅក្នុងសេចក្តីថ្លែងការណ៍មួយដែលបានចែករំលែកទៅកាន់ប្រព័ន្ធផ្សព្វផ្សាយ Hankyung ផលិតកម្ម YG Entertainment បានចេញមុខឆ្លើយតបចំពោះពាក្យចចាមអារ៉ាមដែលថា Rosé និង Kang Dong Won មានទំនាក់ទំនងស្នេហាដូច្នេះ “វាពិបាកក្នុងការបញ្ជាក់នូវពាក្យចចាមអារ៉ាមទាំងនោះ ព្រោះវាជាបញ្ហាឯកជនទាក់ទងនឹងសិល្បកររបស់យើង” ។

បន្ទាប់ឮការបញ្ជាក់មួយនេះ ហ្វេនៗកាន់តែសង្ស័យថា រវាង Rosé និង Kang Dong Won ទំនងជាណាត់ជួបគ្នាប្រាកដមែន ខណៈពេលពីកន្លងទៅ តារាទាំងពីររូបត្រូវគេចាប់បានតម្រុយជាច្រើនដង។

ដំបូងឡើយ ពាក្យចចាមអារ៉ាមត្រូវបានលើកឡើងនៅលើប្រព័ន្ធផ្សព្វផ្សាយចិន ដែលគេបានឃើញ Rosé និង Kang Dong Won បង្ហាញវត្តមានរួមគ្នានៅក្នុងពិធីជប់លៀងជាមួយអតីតនាយកប្រតិបត្តិ Burberry Riccardo។

ក្រោយមក អ្នកនិយមលេងអ៊ីនធឺណេត ចាប់ផ្តើមលើកឡើងពីកាលៈទេសៈផ្សេងៗដែលអ្នកទាំងពីរបញ្ចេញសកម្មភាពស្រដៀងគ្នាជាច្រើនរួមមានទាំង ពាក់ខ្សែកស្រដៀងគ្នា ពាក់អាវដូចគ្នា ហើយកាលពីមួយរយៈមុន Rosé បាន​ចូល​រួម​ក្នុង​ការ​បញ្ចាំង​ភាពយន្ត VIP ​រឿង Broker របស់តារាសម្ដែង Kang Dong Won ទៀតផង៕

ប្រែសម្រួល៖ សន្យា

ចុចអាន៖ ផលិតកម្ម YG៖ ពាក្យចចាមអារ៉ាមថា Rosé ប្រើប្រាស់គ្រឿងញៀន ​ជារឿងគួរឱ្យអស់សំណើច

ចុចអាន៖ អ្នកគាំទ្រភ្ញាក់ផ្អើល ក្រោយដឹងថា Rain មានជំងឺធាត់មុនអាយុ