បន្ទាប់ពីឆ្លងកាត់មុខកាំបិតអស់ជាច្រើនដង តារាស្រីថៃ Ice Preechaya ត្រូវទស្សនិកជនមួយចំនួននាំគ្នារិះគន់ជាហូរហែ រឿងញៀននឹងការកែសម្ផស្ស ជាពិសេសក្រោយកែរួច គេឃើញនាងឧស្សាហ៍ទម្លាយរូបសិចស៊ីជាញឹកញាប់ណាស់។

ថ្វីត្បិតរងនូវពាក្យប្រមាថទិតៀនយ៉ាងណាក្ដី Ice Preechaya តែងតែរក្សាភាពស្ងប់ស្ងាត់មិនតបត ទើបតែពេលនេះទេ ​នាងបានបង្ហាញខ្លួនក្នុងរូបរាងថ្មីមួយទៀត ដោយអមជាមួយសារចាក់ដោតឆ្លើយតបទៅកាន់អ្នកពូកែរិះគន់នាងកន្លងមក។

​តាមរយៈការបង្ហោះរបស់តារាស្រីវ័យ ៣៣ឆ្នាំរូបនេះ នៅលើបណ្ដាញសង្គម IG នាងបានសរសេរថា “បើអ្នកមិនចូលចិត្តរូបរាងរបស់ខ្ញុំ វាមិនមែនជារឿងរបស់ខ្ញុំទេ វាជារឿងរបស់អ្នក!! រាល់ថ្ងៃខ្ញុំរីករាយនឹងខ្លួនឯងណាស់ ខ្ញុំមិនខ្ចីទៅកើតទុក្ខតាមផ្គាប់ចិត្តអ្នកផ្សេងនោះទេ!!!” ។

បន្ថែមពីលើសារនេះមួយឃ្លានេះ Ice Preechaya បានរៀបរាប់បន្តទៀតអំពីការទិទៀនអ្នកដទៃថា នៅពេលដែលមនុស្សចូលចិត្តស្វែងរកកំហុសអ្នកដទៃ ដោយការ Bully លើរូបរាង ឋានៈ តួនាទី របៀបស្លៀកពាក់ សក់ក្បាល ចាស់ក្មេង ឬសូម្បីតែការផាត់មុខ អ្នកនោះពិតជាគួរអាម៉ាស់ជាងដើរស្រាតទៅទៀត។ និយាយឱ្យត្រង់ទៅ គ្មាននរណាមានសិទ្ធិទៅវិនិច្ឆ័យអ្នកដទៃនោះទេ ដូច្នេះគួរបញ្ឈប់វប្បធម៌​ Bully គេទៅ៕

ប្រែសម្រួល៖ សន្យា

ចុចអាន៖ អតីតកាលរបស់ Ice Preechaya ធ្លាប់ជាកូនអភិជន រស់នៅប្រៀបដូចព្រះនាងម្ចាស់

ចុចអាន៖ ម៉ូដឈុតប្លែកៗ និងលេចធ្លោក្នុងកម្មវិធី Met Gala 2023 ទស្សនិកជនលើកមកនិយាយច្រើនជាងគេ