ជីវិតកម្សាន្ដ

មករា ឈប់ពីតំណែង យូ ថនវណ្ណៈ ចេញមកផ្ដាំច្បាស់ៗ អ្នកចង់បន្តវេន Mister Grand Cambodia

បានផុស

៣ years មុន

នៅ

ថ្ងៃអង្គារ ៩ ឧសភា ២០២៣

ដោយ

ប្រាកដណាស់ កាលពីម្សិលមិញ អ្នកគាំទ្រ ពិសេសអ្នកនិយមតាមដានវិស័យដើរម៉ូដនៅកម្ពុជា មានការភ្ញាក់ផ្អើលគ្រប់គ្នា បន្ទាប់ពីក្រុមហ៊ុនមហាហង្ស ប្រកាសពីការដកតំណែងរបស់បេក្ខភាព Mister Grand Cambodia2023 បុរសសង្ហា ធុល មករា ក្រោយគ្រងតំណែងបានរយៈពេលខ្លី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនមហាហង្ស បញ្ជាក់ថា មូលហេតុដែលបុរសឯករូបនេះត្រូវបានក្រុមហ៊ុនសម្រេចដកហូតតំណែង ក៏ព្រោះតែលោក ធុល មករា មិនអាចបំពេញតាមគោលការណ៍របស់ក្រុមហ៊ុន។ ចំណែកសាមីខ្លួនលោក ធុល មករា បានឲ្យដឹងយ៉ាងខ្លីថា លោកជាអ្នកលាលែងដោយខ្លួនឯង។

បន្ទាប់ពីមានដំណឹង នៃការចាកចេញពីតំណែងរបស់បុរសសង្ហា ធុល មករា ពី Mister Grand Cambodia 2023 ស្រាប់តែរៀមច្បងលោក យូ ថនវណ្ណៈ ដែលជាម្ចាស់ជ័យលាភី Mister Grand Cambodia 2023 បានចេញមកនិយាយពាក់ព័ន្ធបញ្ហានេះ។ ក្នុងនោះលោកក៏បានលើកជាមតិផ្ដាំផ្ញើអ្នកដែលចង់បន្តវេន Mister Grand Cambodia ពី លោក ធុល មករា ផងដែរ។

លោក យូ ថនវណ្ណៈ ម្ចាស់ជយលាភី នៃកម្មវិធីប្រកួតបុរសឯកដ៏អស្ចារ្យ នៃកម្ពុជា ប្រចាំឆ្នាំ ២០២២ (Mister Grand Cambodia 2022) បានបញ្ចេញចំណាប់អារម្មណ៍ដែរថា «តើអ្នកណានឹងបន្តតំណែងពីខ្ញុំ បន្ទាប់ពី មករា បាត់បង់ឱកាសមួយនេះ? សម្រាប់អ្នកបន្ទាប់ មុននិងសម្រេចចិត្ត និងទទួលតំណែង សួរខ្លួនឯងសិនថា មានសមត្ថភាព ចំណេះដឹង ការតាំងចិត្ត និងគោរពតាមគោលការណ៍ក្រុមហ៊ុនបានកម្រិតណា»។

បុរសឯករូបនេះបន្ថែមថា «ពាក្យថា “Mister Grand Cambodia 2023” ងាយអាន និងងាយយល់ តែក្នុងន័យនោះ គឺត្រូវតំណាងប្រទេសកម្ពុជាទាំងមូល មិនមែនយកឈ្មោះកម្ពុជាទៅលក់មុខនៅឆាកអន្តរជាតិទេ។ សម្រាប់ខ្ញុំ មករា នៅតែសក្ដិសមក្នុងកម្មវិធីមួយនេះ ទោះបីជាគាត់បាត់បង់ឱកាសមួយនេះក៏ដោយ៕

អត្ថបទ ៖ ចាន់រ៉ា