Connect with us

ជីវិតកម្សាន្ដ

ទូច វុទ្ធី គ្រងតំណែង Mister Grand Cambodia 2023 ក្រោយ ធុល មករា ប្រកាសលាលែង

បានផុស

នៅ

ថ្មីៗ​នេះ មាន​ការ​ភ្ញាក់ផ្អើល​ដល់​អ្នក​គាំទ្រ ពិសេស​អ្នក​និយម​តាមដាន​វិស័យ​ដើរ​ម៉ូដ​នៅ​កម្ពុជា ខណៈ សុខៗ ស្រាប់តែ​ក្រុមហ៊ុន​មហាហង្ស បាន​ប្រកាស​ពី​ការ​ដក​តំណែង​របស់​បេក្ខភាព Mister Grand Cambodia 2023 គឺ បុរស​សង្ហា ធុល មករា។ ប៉ុន្តែ​ដំណឹង​នេះ ត្រូវ​បាន មករា បញ្ជាក់​ថា លោក​ជា​អ្នក​លាលែង​ដោយ​ខ្លួនឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពី​ការ​ប្រកាស​លាលែង​តំណែង​ពី​សំណាក់​លោក ធុល មករា មិន​ទាន់​បាន​ប៉ុន្មាន​ផង ពេលនេះ​ស្រាប់តែ​ខាង​ក្រុមហ៊ុន បញ្ជាក់​ឲ្យ​ដឹង​ថា តំណែង​នេះ​ត្រូវ​បាន​ផ្ទេរ​ទៅ​ឲ្យ​លោក ទូច វុទ្ធី ជា​ផ្លូវការ​ដែល​ត្រៀម​នឹង​ចេញ​ទៅ​ប្រកួត​លើ​ឆាក​អន្តរជាតិ​នា​ពេល​ខាងមុខ។

លោក ទូច វុទ្ធី ជា​បេក្ខជន​ខ្លាំង​មួយ​រូប​ក្នុង​ការ​ប្រកួត​កម្មវិធី Mister Supranational Cambodia ២០២៣ ​អាយុ ២៨ ឆ្នាំ ទម្ងន់ ៧៥ គីឡូក្រាម និង​កម្ពស់ ១៨០ សង់ទីម៉ែត្រ ហើយ​មាន​សមត្ថភាព និង​ទេពកោសល្យ​ល្អ។ បុរស​ឯក​លោក ទូច វុទ្ធី ក៏​ត្រៀមខ្លួន​តំណាង​ឲ្យ​កម្ពុជា​នាំ​យក​ទង់ជាតិ​ទៅ​ប្រកួត​នៅ​ប្រទេស​វៀតណាម ឆាប់ៗ​ខាងមុខ។

គួរ​រម្លឹក​ថា ចំពោះ​ការ​លាលែង​តំណែង​របស់​អតីត​បុរស​ឯក​លោក ធុល មករា ត្រូវ​សាមី​ខ្លួន​បញ្ជាក់​ថា មូលហេតុ​ព្រោះ​មិន​អាច​បំពេញ​តាម​គោលការណ៍​របស់​ក្រុមហ៊ុន​បាន៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម