ជីវិតកម្សាន្ដ

ធុល មករា បញ្ជាក់ច្បាស់ៗថា លោកជាអ្នកលាលែងតំណែង Mister Grand Cambodia 2023 ខ្លួនឯង

បានផុស

២ years មុន

នៅ

ថ្ងៃចន្ទ ៨ ឧសភា ២០២៣

ដោយ

មុននេះបន្តិច មានការភ្ញាក់ផ្អើលដល់អ្នកគាំទ្រ ពិសេសអ្នកនិយមតាមដានវិស័យដើរម៉ូដនៅកម្ពុជា ខណៈសុខៗ ស្រាប់តែក្រុមហ៊ុនមហាហង្ស បានប្រកាសពីការដកតំណែងរបស់បេក្ខភាព Mister Grand Cambodia 2023 គឺបុរសសង្ហា ធុល មករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងលិខិតនោះបានបញ្ជាក់ថា មូលហេតុដែលបុរសឯករូបនេះត្រូវបានក្រុមហ៊ុនសម្រេចក្នុងការដកហូតតំណែង ព្រោះតែលោក ធុល មករា មិនអាចបំពេញតាមគោលការណ៍របស់ក្រុមហ៊ុន។

ប្រភពបន្តថា សូមប្រកាសជាផ្លូវការថា ចាប់តាំងពីថ្ងៃទី ០២ ខែឧសភា ឆ្នាំ ២០២៣ នេះ Mister Grand Cambodia 2023 ត្រូវបានដកហូតតំណែង។

ដោយឡែកបើតាមការបញ្ជាក់ប្រាប់យ៉ាងខ្លីពី លោក ធុល មករា បានឲ្យកម្ពុជាថ្មីដឹងថា លោកជាអ្នកលាលែងដោយខ្លួនឯង។ លោកថា «ខ្ញុំបានលាលែងតំណែងដោយខ្លួនឯង ដោយគ្មានអ្នកបង្ខិតបង្ខំ ព្រោះតែខ្ញុំមិនអាចធ្វើតាមលក្ខខណ្ឌដែលក្រុមហ៊ុនចង់បាន»។ ការប្រកាសនេះ ក៏មានមតិខ្លះសម្ដែងការសោកស្ដាយ និងខ្លះទៀតគាំទ្រលើកឡើងថា បងគាំទ្រការចាកចេញរបស់ប្អូន ១០០ ភាគរយ កន្លែងណានៅបានសុខ គ្មាននរណាសុខចិត្តលះបង់ទេ៕

អត្ថបទ ៖ ចាន់រ៉ា