Jun Ji Hyun ចំណាយប្រាក់ខ្ទង់លានដុល្លារទិញ penthouse អាផាតមិនកណ្តាលទីក្រុងសេអ៊ូល

យោងតាមរបាយការណ៍របស់ប្រព័ន្ធផ្សព្វផ្សាយហិរញ្ញវត្ថុនៅថ្ងៃទី ១០ ខែឧសភា តារាសម្តែង Jun Ji Hyun បានទិញ penthouse អាផាតមិនដ៏ប្រណិតមួយនៃអាគារ Acro Seoul Forest, ក្នុងតំបន់ Seon gsu-dong 1-ga ក្នុងតម្លៃ ១៣ពាន់លានវ៉ុន(៩.៨ លានដុល្លារ) កាលពីខែកញ្ញាឆ្នាំ ២០២២ ។

អាផាតមិន penthouse នេះមានទីតាំងនៅជាន់ទី ៤៧ នៃ អាគារ Acro Seoul Forest ហើយត្រូវបានគេនិយាយ ថាមានទំហំធំរហូតដល់ ២៦៤ ម៉ែត្រការ៉េ។ Jun Ji Hyun បានទិញផ្ទះនេះជាមួយស្វាមី នាង Choi Jun Hyuk ក្នុងចំនួនទឹកប្រាក់ពេញលេញ១៣ពាន់លានវ៉ុន(៩.៨ លានដុល្លារ) ដែលបាន បង់ជាសាច់ប្រាក់ភ្លាមៗ ។ ជាមួយគ្នានេះ Jun Ji Hyun បានកាន់កាប់ទ្រព្យសម្បត្តិ ១២ភាគ១៣ ចំណែកប្តីរបស់នាង Choi Jun Hyuk កាន់កាប់តែ ១ភាគ១៣តែប៉ុណ្ណោះ ។

ទទ្ទឹមនិងនោះ ការទិញអាផាតមិន penthouse នេះតារាសម្តែង Jun Ji Hyun ទទួលបានការចាប់អារម្មណ៍យ៉ាងខ្លាំងនៅក្នុងឧស្សាហកម្មអចលនទ្រព្យ ដោយសារតែ ១៣ ពាន់លានវ៉ុន (៩.៨ លាន ដុល្លារ) គឺជាតម្លៃលក់ខ្ពស់បំផុតនៃអាផាតមិនណាមួយនៅក្នុងទីក្រុងសេអ៊ូលក្នុងឆ្នាំ ២០២២ ។

យ៉ាងណាមិញ Jun Ji Hyun គឺជាម្ចាស់អចលនទ្រព្យជាច្រើននៅក្នុងទីក្រុងសេអ៊ូល រួមទាំងអាផាត មិនមួយទៀតនៅ Samsung-dong I’PARK ដែលនាងបានទិញក្នុងឆ្នាំ ២០០៥។ នាងក៏មានអគារ ចំនួន ៣ រួមទាំងអគារ ២ ជាន់នៅ Yongsan-gu Ichon ក៏ដូចជាហាងកាហ្វេ Starbucks អគារ ២ ជាន់នៅ Gangnam-gu Samsung-dong; និងអគារ ៣ ជាន់នៅ Gangseo-gu Deungchon-dong ដែលជាហាងលក់គ្រឿងអេឡិចត្រូនិក ៕

ប្រែសម្រួល៖នាងតូច

ចុចអាន៖ការស៊ើបអង្កេតគ្រឿងញៀនរបស់តារាសម្តែង Yoo Ah In ឈានដល់ដំណាក់កាលចុងក្រោយហើយ